Sinunö Sebua 3:1-11
3 ”Ba nahia wemörögu ba zi bongi,Itörö tödögu duho dödögu.+
Itörö tödögu ia ba lö hadöi yaʼia.+
2 Maoso ndraʼo ba ufasui mbanua sebua;Uʼalui duho dödöguMisa ba lala hegöi ba danö lafa.
Uʼalui ia, hizaʼi lö usöndra.
3 Daʼö zi falukha khögu sanaro samasui banua,+Ba usofu khöra, ’Hadia no miʼila duho dödögu?’
4 Lö ara me no uröi ira,Falukha ndraʼo khö duho dödögu.
Uʼaroʼö wololohe yaʼia ba lö uʼefasi saʼaeIrege no uʼohe ia ba nomo ninagu,+Ba mbateʼe ndra alawe soʼadonogö yaʼo.
5 Miʼaeʼe ba hölu, yaʼami ono alawe Yeruzalema,Ba döi nago awö mböhö ba mbenua:
Böi mifasugi ba dödögu waʼomasi fatua lö inötönia.”+
6 ”Haniha zi tohare andrö moroi ba danö si mate si hulö zimbo saweʼe-weʼe,Somuhua simane emuri ba kumöyö,Simane ngawalö kase somuhua khö ndra sogale?”+
7 ”Mifaigi mbea-bea* Zelomo,Nifasui ndra matua sagabölö si 60 niha,Iraono Gizaraʼeli sagabölö;+
8 Oi zara laʼokhögö wöda,No tefahaʼö ira ba wasuwöta,Oi so ba löwi-löwira wöda,No lafaʼanö ira fasuwö ba zi bongi.”*
9 ”Daʼö mbea-bea Razo SelomoNifazökhinia moroi ba geu Libano.+
10 Döla-dölania moroi ba wirö,Tendro-tendronia moroi ba ganaʼa,Ba kurusinia moroi ba nukha si ungu laʼa-laʼa;*Tanö bakhania no lafogama-gama faoma faʼomasiIraono alawe Yeruzalema.”
11 ”Miʼae baero yaʼami ono alawe Ziona,Mifaigi Razo Selomo,Ba ngaluo walöwania,Ba ngaluo waʼomuso dödönia,No ifake dakula nifazökhi ninania.”+
Nisura ba gahe zura
^ Kurusi nifogama-gama, si toʼölö laʼogunaʼö ba wolohe niha sebua faka.
^ Sin.: ”Börö gametaʼuö andrö ba zi bongi”.
^ Mazui ”sobowo doru”.
