Sinunö Sebua 4:1-16
4 ”He tuho dödögu, no baga-baga ndraʼugö!
No baga-baga ndraʼugö!
Hörö ba narö nöumö hulö hörö marafadi.
Hulö zi sambua ngawawa nambi mbumö andröSi möi mitou moroi ba Hili Gileadi.+
2 No baga-baga waʼafusi niföu hulö ngawawa mbiri-biriSi bohou muguti ba mufemondri;Moʼahonoa ba ahori teʼoli fefu,Sara lö sadeha.
3 Bewemö andrö hulö pita soyo,Fehedemö ba no omasiö.
Boʼömö* barö nöumöHulö mbua dalimo.
4 Bagimö+ hulö malige Dawido,+Hulö gara nifalaete wamazökhi;So saribu mbaluse nitawigö yawa ba detenia,Baluse sowulo-wulo okhöta ndra matua sagabölö.+
5 Susumö andrö hulö nono mböhö si dombua,Ono nago si faero,+Si manga ba gotalua mbunga lili.”
6 ”Fatua lö ihoho angi ba fatua lö taya lumö-lumö,Möido ba hili gemuriHegöi ba hili-hili gumöyö.”+
7 ”He tuho dödögu, no baga-baga ndraʼugö,+Lö tesöndra zoʼamböta ba khöu.
8 He yaʼugö niʼowalugu, aine mofanö ita moroi ba Libano,Aine, mofanö ita moroi ba Libano.+
Ae tou moroi ba zuzu hili Gamana,*Moroi ba zuzu hili Zeniri, zuzu hili Heremono,+Moroi ba naha zingo, moroi ba hili naha harimo.
9 Adöni dödögu öbeʼe tuho dödögu,+ niʼowalugu,Adöni dödögu öbeʼe hewaʼae ha sakali öfaigi ndraʼo,Ba uʼila weremata sebua böli ba mbagimö.
10 He tuho dödögu, niʼowalugu, ami sibai wehede omasiö andrö khöu!+
Abölö sökhi moroi ba nagu+ wehede omasiömö andrö,Ba abölö omuhua wanikhamö moroi ba ngawalö zomuhua tanö böʼö!+
11 He yaʼugö niʼowalugu, simane faʼami wewani mbewemö,+Lelamö hulö susu ba wewani,+Ba faʼomuhua mbarumö simane faʼomuhua gatua Libano.
12 He yaʼugö tuho dödögu, niʼowalugu, hulö kabu si no mufoʼöli ndraʼugö,Kabu si no mufoʼöli, umbu nidanö si no muhaogö fondruhö.
13 Liwiömö* hulö waradaiso* safönu bua dalimo,Safönu bua fondrege zi sökhi, tanömö zinanö somuhua ba sinanö naridu,
14 Naridu+ faoma safron,* sarango*+ ba kuli mani,+Ba oya ngawalö döla geu kumöyö, emuri hegöi gaharu,*+Fao ba daʼö fefu wanikha somuhua fondrege zi sökhi.+
15 Hulö gumbu nidanö ndraʼugö ba mbenua, umbu nidanö sangohahauʼö tödö,Ungo nidanö sangele moroi ba Libano.+
16 Faoso, yaʼugö angi moroi yöu;Ae ba daʼa, yaʼugö angi moroi raya.
Törini gamaudu kabu andrö khögu,Ba fazawili misa waʼomuhuania.”
”Yamöi duho dödögu ba mbenua khöniaBa wemanga bua zinanönia fondrege zi sökhi.”
Nisura ba gahe zura
^ Mazui ”Dangi-dangimö”.
^ Mazui ”Ati-Libano”.
^ Mazui te ”Ulimö”.
^ Mazui ”kabu”.
^ Mazui ”kumkuma”.
^ Sinanö somuhua.
^ Töi geu somuhua niʼogunaʼö tobali fanikha fangomuhua ba götö Zura Niʼamoniʼö.
