Sinunö Sebua 5:1-16
-
Kubalo (1a)
-
Iraono alawe Yeruzalema (1b)
-
”Enaʼö mabu ami ba wehede omasiö!”
-
-
Ono alawe Sulamiti (2-8)
-
Ifatunö wangifinia
-
-
Iraono alawe Yeruzalema (9)
-
”Hadia zi tohude khö duho dödöu moroi ba duho dödö niha böʼö?”
-
-
Ono alawe Sulamiti (10-16)
-
”Ha yaʼia zabölö adöni dödö niha moroi ba gotalua zi fulu ribu faʼato” (10)
-
5 ”No möi ndraʼo ba kabu khögu,+He yaʼugö tuho dödögu, niʼowalugu.
No uteteu khögu mbua gemuri hegöi ngawalö zomuhua.+
No uʼa wewani khögu moroi ba gawa-awania;No ubadu susu awö nagu khögu.”+
”He yaʼami si fahuwu khögu, milau manga!
Mibadu ba enaʼö mabu ami ba wehede omasiö!”+
2 ”Si mörö ndraʼo hizaʼi tödögu lö mörö.+
Urongo me itoko-toko mbawandruhö tuho dödögu!
’He tuho dödögu, niʼomasiʼögu, bokai khögu mbawandruhöMarafadigu, tuho dödögu soʼahonoa!
No abasö högögu ba namo mbanua,Abasö mbugu ba namo zi bongi.’+
3 No uheta mbarugu sebua.
Hadia ufuli zui ufake?
No usasai gahegu.
Hadia ufuli zui utaʼunöisi?
4 No ifuli iböda dangania tuho dödögu ba mbawandruhö,Ba moʼugu-ugu dödögu börö ia.
5 Maosodo ba wamokai bawandruhö khö niʼomasiʼögu;Mowöi gemuri moroi ba dangagu;Fanikha gemuri ba duruguMowöi ba ndranga mbawandruhö.
6 Ubokai mbawandruhö khö niʼomasiʼögu,Hizaʼi lö yaʼia, no mofanö niʼomasiʼögu.
Afatö sibai dödögu me mofanö ia.*
Uʼalui ia ba lö usöndra.+
Ukaoni ia ba lö idema-dema ligu.
7 Me lafasui mbanua ira sanaro ba laʼila ndraʼo.
Labözi ba lafesokho ndraʼo.
Lahalö lembegu* ira sanaro ba göli.
8 Miʼaeʼe ba hölu yaʼami ono alawe Yeruzalema:
Na falukha ami duho dödögu,Mifatunö khönia wa lö döla-dölagu börö waʼomasi.”
9 ”He yaʼugö ono alawe fondrege zi sökhi,Hadia zi tohude khö duho dödöu moroi ba duho dödö niha böʼö?
Hadia mbörö wa abölö sökhi ia moroi ba niha böʼö,Irege ibeʼe ndraʼaga ba hölu simane daʼa?”
10 ”No siga-siga duho dödögu ba no oroyo-royo gulinia;Ha yaʼia zabölö adöni dödö niha moroi ba gotalua zi fulu ribu faʼato.
11 Högönia hulö ganaʼa si sökhi.
Bunia hulö mbulu geu khorema* sanari-nari,Simane faʼaitö gaga.
12 Hörönia hulö marafadi ba zinga nungo nidanö,Si mondri idanö susu,Sanuge ba zinga mbaʼa safönu idanö.*
13 Boʼönia hulö kabu mbunga somuhua,+Hulö zinanö somuhua si no muhöna.
Bewenia hulö mbunga lili samowöi fanikha emuri.+
14 Tuturunia hulö ganaʼa, no ifogama-gama faoma kara kirisoli.
Talunia hulö nifö gaza si no takile nifoʼambala faoma kara safiro.
15 Ahenia hulö toga nifazökhi moroi ba mara-mara, nifodane-dane anaʼa si sökhi.
Sökhi sibai ia hulö mbanua Libano, sikhalania hulö döla geu eresi.+
16 Simane faʼami wewani mbawania,*Ba fefu hadia ia khönia ba oi sadöni dödö niha.+
Simane daʼö duho dödögu, niʼomasiʼögu, yaʼami ono alawe Yeruzalema.”
Nisura ba gahe zura
^ Mazui te ”Taya nosogu me urongo linia”.
^ Mazui ”nöugu”.
^ Mazui te ”ngamohi mbua khorema”.
^ Mazui te ”gumbu nidanö”.
^ Sin.: ”gararonia”.
