Sinunö Sebua 7:1-13
7 ”Hawaʼasökhi gahemö me no öfake zandrala,Yaʼugö ono alawe si sökhi tödö!
Faʼaeru löwi-löwimö* hulö gama-gama si sökhi,Nifazökhi duka sonekhe.
2 Fusömö hulö mako sowulo-wulo.
Yalöʼirai ambö khönia nagu.*
Talumö hulö gandru si no muhöna,Si no ifasui bunga lili.
3 Susumö hulö nono mböhö si dombua,Ono nago si faero.+
4 Bagimö+ hulö malige nifö gaza.+
Hörömö+ hulö mbaʼa nidanö ba Hesibona,+Sahatö ba mbawa göli Mbata-rabi.
Ikhumö hulö malige LibanoSangotahögö Ndramaseko.
5 Faʼasökhi högömö simane Hili Garimeli,+Bumö*+ hulö nukha si ungu laʼa-laʼa.*+
Tobali fondröni dödö Razo mbumö si no ödudu.
6 Hawaʼasökhi ndraʼugö ba hawaʼomuso dödö ba khöu,He ono alawe niʼomasiʼö, tohude ndraʼugö moroi ba niʼomasiʼö maʼafefu!
7 Botomö andrö ba no hulö döla geu khorema,Susumö no amaedola ngamohi mbua khorema.+
8 Umane, ’Manöido dania ba döla geu khorema andröEnaʼö ugogohe hakhi mbuania.’
Yasimane ngamohi mbua nagu zusumö,Ba hanu-hanumö simane faʼomuhua mbua apel,
9 Bawamö* simane agu fondrege zi sökhi.”
”Yasökhi waʼahelenia khö niʼomasiʼögu,Sökhi wangelenia ba mbewe niha si mörö.
10 Tana khö duho dödögu ndraʼo,+Ba omasi ia ndraʼo.
11 Aine ba daʼa, yaʼugö tuho dödögu,Möi ita ba mbenua;Dataʼiagö gotalua zinanö somuhua.*+
12 Datalau maoso sihulö wongi ba mofanö ita ba kabu nagu,Ba wamaigi na no moliwiö danömö nagu,Na no mamoka mbowonia,+Na no mobowo döla geu dalimo.+
Ba daʼö dania ufaehagö waʼomasigu khöu.+
13 Iʼanöröi misa faʼomuhuania bua dudai;+Ba zinga mbawandruhö so mbua zinanö nifili.+
Si bohou mazui si no ara,Uʼiröʼö khöu, yaʼugö niʼomasiʼögu.
Nisura ba gahe zura
^ Mazui ”wahamö”.
^ Mazui ”nagu nifaruka”.
^ Sin.: ”Högömö”.
^ Mazui ”sobowo doru”.
^ Sin.: ”Araromö”.
^ Sin.: ”lahine”.
