Sinunö Sebua 8:1-14
-
Ono alawe Sulamiti (1-4)
-
”Enaʼö na talifusögu ndraʼugö” (1)
-
-
Talifusö Zulamiti ono matua (5a)
-
’Haniha ia, si no manendroʼö yaʼia khö niʼomasiʼönia?’
-
-
Ono alawe Sulamiti (5b-7)
-
”Simane faʼabeʼe waʼamate waʼomasi andrö” (6)
-
-
Talifusö Zulamiti ono matua (8, 9)
-
”Na öli kara ia, . . . na bawandruhö ia, . . . ” (9)
-
-
Ono alawe Sulamiti (10-12)
-
”Hulö göli kara ndraʼo” (10)
-
-
Kubalo (13)
-
’Omasido göi ufondrondrongo liu’
-
-
Ono alawe Sulamiti (14)
-
”Fagohi hulö nago”
-
8 ”Enaʼö na talifusögu ndraʼugö,Samaenu ba zusu ninagu!
Na falukhado khöu baero, ba uʼuma ndraʼugö,+Ba lö sangobousi yaʼo.
2 Ufasao ndraʼugö;Ba uʼohe ndraʼugö ba nomo ninagu,+Ira alawe samahaʼö yaʼo.
Ufabadugö khöu nagu,*Ba ubeʼe öu zindruhu mbua dalimo si bohou.
3 Itaya högögu tangania kabera,Ba no italagui ndraʼo tangania kambölö.+
4 Miʼaeʼe ba hölu, yaʼami ono alawe Yeruzalema,Böi mifasugi ba dödögu waʼomasi fatua lö inötönia.”+
5 ”Haniha zi tohare andre moroi ba danö si mate,Si no manendroʼö yaʼia khö niʼomasiʼönia?”
”Ususugi ndraʼugö barö döla geu apel.
Ba daʼö mangarö-ngarö ninau ba woʼono.
Ba daʼö mangarö-ngarö ia ba woʼadonogö yaʼugö.
6 Beʼe ndraʼo bakha ba dödöu hulö nifotandro,*Famotandro ba daʼiomö,Börö me simane faʼabeʼe waʼamate waʼomasi andrö,+Ba faʼalöfaröi simane faʼaro Lewatö.*
Hulö hola-hola galitö ia, hola-hola galitö Yehowa.*+
7 He falawu nidanö ba tebai ibunu waʼomasi andrö,+Tebai göi ihanigö ia ungo nidanö.+
Na so zomasi mangohorigö okhötania ba wowöli faʼomasi,Ba hasambalö laʼoʼaya gokhöta andrö.”*
8 ”So nakhima ono alawe,+Si lö na bua zusu.*
Hadia zinangea mafalua khöniaNa so zi möi mameʼe li?”
9 ”Na öli kara ia,Ba mafazökhi mbaʼa-baʼa firö khönia,Hizaʼi, na bawandruhö ia,Ba mabeʼe geu eresi wombaʼa yaʼia.”
10 ”Hulö göli kara ndraʼo,Ba hulö malige zusugu.
Daʼö mbörö wa hulö ndra alawe sanöndra faʼomuso dödö ndraʼoBa wamaiginia.
11 So kabu nagu+ khö Zelomo ba Mbaʼali-hamono,Si no ifaduhusi tödö khö ndra sohalöwö.
Dozi ira labeʼe saribu firö böli mbuania.
12 So khögu kabu nagu okhötagu samösa.
He yaʼugö Selomo, okhötamö zi saribu firö andrö,Ba dua ngaotu khö zondrorogö buania.”
13 ”Yaʼugö si toröi ba kabu misa,+Labaloi ndraʼugö si fahuwu khöu ba wamondrondrongo limö.
Ba omasido göi ufondrondrongo.”+
14 ”He niʼomasiʼögu, aliokö,Fagohi hulö nago,+Simane ono mböhö si matuaBa dete hili ngawalö zomuhua.”
Nisura ba gahe zura
^ Mazui ”nagu somuhua”.
^ Sin.: ”Ya”. Daʼa döi Yehowa si no muʼadogoiʼö.
^ Mazui ”Syeol”. Faigi Geluaha Ngawua Wehede.
^ Faigi Geluaha Ngawua Wehede.
^ Mazui te ”laʼoʼaya ia”.
^ Mazui ”Side-ide nasa”.
