Sinunö 108:1-13
Sambua sinunö. Sinunö Dawido.
108 Aro dödögu yaʼugö Lowalangi.
Manunö ndraʼo ba ufoli wakake zinunö ba wanuno yaʼugö saʼoi dölagu.*+
2 Faoso yaʼugö harafa ba fefu fakake zinunö nifosinali.+
Ususugi dania waʼamoluo.
3 He Yehowa, usuno ndraʼugö ba gotalua niha sato;Khöu manunö ndraʼo ba usuno ndraʼugö* ba gotalua soi böʼö.
4 Börö me ebua waʼomasimö si lö faröi, simane faʼalawa mbanua si yawa,+Ba faʼalöfaröimö irugi dalu mbanua.
5 He Lowalangi, yateʼalawaʼö ndraʼugö töra moroi ba mbanua si yawa;Yaʼinönöi gulidanö lakhömiu.+
6 Enaʼö tola teʼefaʼö niha niʼomasiʼöu,Efaʼö ndraʼaga faoma tangau kambölö ba fondrondrongo weʼaogu.+
7 No fahuhuo Lowalangi niʼamoniʼö,*
”Uʼomusoiʼö dödögu, ubeʼe dania Zikhema+ tobali ondröita;Usuʼa dania Ndraso Zukhota.+
8 Tana khögu mbanua Gileadi andrö,+ simanö göi Manase;Eferai andrö folumöʼö* högögu;+Ba Yehuda andrö siʼo famatörögu.+
9 Naha wanasa khögu Moabi.+
Ufazaumba dania zandralagu khö Gedomo.+
Owua-wua dödögu ba waʼakala niha Wilisiti.”+
10 Haniha zolohe yaʼo ba mbanua nifoʼöli andrö?
Haniha zamasao yaʼo ofeta ba Gedomo?+
11 He Lowalangi, hadia tenga yaʼugö zi no manimbagö yaʼaga?
He Lowalangima, hadia lö saʼae fao ndraʼugö khö ndra saradaduma?+
12 Tolo ndraʼaga ba ginötö tolazi dödöma,+Börö me zaya-zaya gölö wangorifi moroi ba niha.+
13 Ibeʼe khöda waʼabölö Lowalangi,+Ba ihundragö zi faʼudu khöda.+
Nisura ba gahe zura
^ Sin.: ”ba wanuno yaʼugö si fao lakhömigu”.
^ Mazui ”Ufoli wakake zinunö”.
^ Mazui te ”moroi ba nahiania niʼamoniʼö”.
^ Sin.: ”baʼa-baʼa”.
