Sinunö 109:1-31
Khö zondröniaʼö. Sinunö Dawido. Sambua sinunö.
109 He Lowalangi nisunogu,+ böi honogö manö ndraʼugö.
2 Lafadunö-dunö lala ba wolawa yaʼo ira niha si lö sökhi hegöi si falimo.
Lalimo ndraʼo faoma lelara sanandrösa ba khögu;+
3 No lafaʼuʼu ndraʼo faoma fehedera si lö sökhi,Ba lasuwö ndraʼo ba zi lö börö.+
4 Laböbögö khögu zi lö sökhi sulö waʼomasigu;+Hizaʼi, lö uböhöli wangandrö.
5 Lasulöni waʼasökhi dödögu faoma si lö sökhi+Ba faʼomasigu faoma faʼafökhö dödö.+
6 Akha niha si lö sökhi zangetuʼö hukunia;Akha so niha ba gambölönia samobahulu* yaʼia.
7 Na laʼetuʼö hukunia ba yalafaduhuʼö wa fasala* ia;Yatobali horö wangandrönia ba wangumaʼö niha.+
8 Yalöʼanau nosonia;+Yamöi ba niha böʼö halöwönia ba wondröniaʼö.+
9 Yatobali si lö ama ndraononia,*Ba yatobali lakha mbanua woʼomonia ira alawe.
10 Yamuzawili misa nononia* ba wangandrö-ngandrö gö,Akha laʼalui göra ba nomora si no adudu.
11 Yalahalö gokhötania ira sanugi foʼömö,*Ba yalarabu haratonia niha baero.
12 Yalöhadöi niha si sökhi tödö* khönia,Ba lö hadöi sangomasiʼö iraononia si lö ama.
13 Yatehori fefu maʼuwunia awö mahonia;*+Yalöʼitörö tödö niha döira götö-götö waʼara.
14 Yalöʼolifu Yehowa golalöwa ndra tuania,+Ba yalöteʼefaʼö horö ninania.
15 Yalöʼolifu Yehowa ngawalö nifaluara;Ba yalöhadöi töira ba gulidanö;+
16 Börö me olifu ia wamalua faʼasökhi dödö,*+Ba lö iböhöli wolohi niha nifakao,+ si numana,Hegöi si no arasa tödö enaʼö ibunu.+
17 Omasi ia mangelifi irege göna khönia wangelifi;Lö omasi ia wamahowuʼö irege lö isöndra howu-howu.
18 Iʼobaru wangelifi,Si möi bakha ba mbotonia hulö nidanöBa si möi bakha ba dölania hulö wanikha.
19 Yahulö mbaru nifakenia wangelifi andrö+Ba hulö mböbö löwi si lö aefa ba löwi-löwinia.
20 Daʼö zulö nifalua Yehowa ba niha solawa yaʼo+Ba sangumaʼö fehede si lö sökhi sanandrösa khögu.
21 He Yehowa Lowalangi Fondrege Zalawa,Tolo ndraʼo börö döimö.+
Efaʼö ndraʼo börö me sökhi waʼomasimö andrö si lö faröi.+
22 Börö me numana ndraʼo ba lö faʼabölö,+Ba no mesokho dödögu.+
23 Arakhagö mate ndraʼo hulö lumö-lumö si taya;Laʼangewegö ndraʼo simane tamo.
24 Ombuyu mbalö duhigu ba wamalua fuasö;Hatö töla ndraʼo.*
25 Tobali fangoʼayara ndraʼo.+
Lafalikhö-likhö högöra ero laʼilado.+
26 He Yehowa Lowalangigu, tolo ndraʼo;Efaʼö ndraʼo börö waʼomasimö si lö faröi.
27 Akha aboto ba dödöra wa tangamö andrö zangefaʼö yaʼo;Wa yaʼugö Yehowa zamalua daʼö.
28 Na mangelifi ira ba yaʼöfahowuʼö ndraʼo.
Na tohare ira ba wolawa yaʼo, ba yateʼailasi ira,Ba yaʼomuso dödö genonimö.
29 Yalaʼobaru waʼaila ira niha solawa yaʼo;Yaʼikabi ira faʼaila simane samake baru sebua.*+
30 Bawagu dania zanuno Yehowa si fao fehiʼa dödö;Usuno dania ia föna niha sato.+
31 Mozizio Lowalangi ba gambölö niha si numanaBa wangefaʼö yaʼia moroi ba danga niha sanguhuku yaʼia.
Nisura ba gahe zura
^ Mazui ”solawa”.
^ Mazui ”niha si lökhi”.
^ Sin.: ”ndraononia matua”.
^ Sin.: ”nononia matua”.
^ Mazui ”Yalafasa dandrawa ira samobunga kefe ba wangai okhötania”.
^ Mazui ”sangoromaʼö faʼomasi si lö faröi”.
^ Mazui ”ngaʼötönia”.
^ Mazui ”wangoromaʼö faʼomasi si lö faröi”.
^ Sin.: ”Itugu akore nagolegu, lö tawö (fanikha)”.
^ Mazui ”baru sanau si lö taʼio”.