Sinunö 118:1-29
118 Miʼandrö saohagölö khö Yehowa börö me si sökhi tödö ia;+Lö tebulö waʼomasinia si lö faröi sagötö faʼara.
2 Akha lamane iraono Gizaraʼeli,
”Lö tebulö waʼomasinia si lö faröi sagötö faʼara.”
3 Akha lamane ngaʼötö Gaʼaroni,
”Lö tebulö waʼomasinia si lö faröi sagötö faʼara.”
4 Akha lamane ira sangataʼufi Yehowa,
”Lö tebulö waʼomasinia si lö faröi sagötö faʼara.”
5 Khö Yehowa* muʼao ndraʼo ba ginötö waʼatosasa;Itema ligu Yehowa* ba iʼohe ndraʼo ba nahia sahono dödö.*+
6 Yehowa nawögu; lö ataʼu ndraʼo.+
Hadia zi tola lafalua niha khögu?+
7 So Yehowa nawögu sanolo yaʼo;*+Uʼila dania waʼakala niha si fatiu tödö khögu.+
8 Sökhi na talumöʼö ita khö YehowaMoroi na tafaduhusi tödö nawöda niha.+
9 Sökhi na talumöʼö ita khö YehowaMoroi na tafaduhusi tödö ndra sondröniaʼö.+
10 Fefu soi no lafaʼuʼu ndraʼo,Hizaʼi ubözi ira ba döi Yehowa,Ba awuwu ira furi.+
11 No lafaʼuʼu ndraʼo ba sindruhu-ndruhu wa no teʼuʼu,Hizaʼi ubözi ira ba döi Yehowa,Ba awuwu ira furi.
12 Lafaʼuʼu ndraʼo simane wani,Ba alio sibai wamunu yaʼira simane alitö ba ndruʼu sodoi.
Hizaʼi ubözi ira ba döi Yehowa,Ba awuwu ira furi.+
13 Laforege* wolulugö yaʼo enaʼö alabu,Hizaʼi, Yehowa zanolo yaʼo.
14 Yehowa* wangabölögu ba nahia wolumöʼö yaʼo,Ba no tobali ia fangorifigu.+
15 Terongo waʼomuso dödö ba faʼamöna*Ba nose niha satulö tödö.
Oroma waʼabölö Yehowa ba dangania kambölö.+
16 Teʼalawaʼö yawa gambölö Yehowa;Oroma waʼabölö Yehowa ba dangania kambölö.+
17 Lö mate ndraʼo, hasambalö auri ndraʼo,Enaʼö udunö-dunö gamuata Yehowa.*+
18 Abeʼe wotu Yehowa* nibeʼenia khögu,+Hizaʼi, lö itehegö mate ndraʼo.+
19 Mibokai khögu mbawa göli waʼatulö;+Möi ndraʼo bakha ba wamosumange Yehowa.*
20 Daʼa mbawa göli Yehowa.
Möi niha satulö ba wangondrasi yaʼia.+
21 Usuno ndraʼugö börö me öfondrondrongo ligu+Ba yaʼugö zi tobali fangorifigu.
22 Kara nitimbagö zamazökhi omo,No tobali kara* sabölö moguna.+
23 Moroi khö Yehowa daʼö;+Ba sahöli-höli dödöda.+
24 Daʼa ngaluo niʼasogö Yehowa;Omuso dödöda ba owua-wua dödöda börö ia.
25 He Yehowa, maʼandrö khöu efaʼö ndraʼaga!
He Yehowa, beʼe khöma waʼamöna!
26 Yatefahowuʼö zi tohare ba döi Yehowa;+Mafahowuʼö ami moroi ba nomo Yehowa.
27 Yehowa andrö Lowalangi;Ibeʼe khöda haga.+
Mifao ba gowasa ba miʼohe ndraha geu,+Ofeta ba dandru naha wanunu sumange.+
28 Yaʼugö Lowalangigu ba usuno ndraʼugö;He Lowalangigu, ufolakhömi ndraʼugö.+
29 Miʼandrö saohagölö khö Yehowa+ börö me si sökhi tödö ia;Lö tebulö waʼomasinia si lö faröi irugi zi lö aetu.+
Nisura ba gahe zura
^ Sin.: ”Ya”. Daʼa döi Yehowa si no muʼadogoiʼö.
^ Sin.: ”Ya”. Daʼa döi Yehowa si no muʼadogoiʼö.
^ Mazui ”nahia sebolo”.
^ Mazui te ”si fao ba niha sanolo yaʼo”.
^ Mazui te ”Öforege”.
^ Sin.: ”Ya”. Daʼa döi Yehowa si no muʼadogoiʼö.
^ Mazui ”fangorifi”.
^ Sin.: ”Ya”. Daʼa döi Yehowa si no muʼadogoiʼö.
^ Sin.: ”Ya”. Daʼa döi Yehowa si no muʼadogoiʼö.
^ Sin.: ”Ya”. Daʼa döi Yehowa si no muʼadogoiʼö.
^ Kara daʼa labeʼe ba gamaudu watalinga nomo enaʼö aro.
