Sinunö 12:1-8
-
Ihalö gangetula Yehowa
-
Ohau-hau wehede Lowalangi andrö (6)
-
Khö zondröniaʼö sinunö: Lala note Seminiti.* Sinunö Dawido.
12 He Yehowa, efaʼö ndraʼo börö me no tehori niha si lö faröi;No taya fefu niha si tola mufaduhusi tödö ba gulidanö.
2 Faoma lalimo nawöra;Lazuno-zuno faoma bewera* ba lalimo niha böʼö.*+
3 Iduhö Yehowa fefu mbawa niha somasi manunoBa itaba lela si fayawa,+
4 Niha sangumaʼö, ”Börö lelama wa mofozu ndraʼaga.
Tola mawaʼö-waʼö manö zomasi dödöma;Haniha zi tola mamatörö yaʼaga?”+
5 Imane Yehowa, ”Börö me lafakao niha si göna abula dödö,Börö wangarö-ngarö niha si numana,+Hasambalö ufazawa ndraʼo.
Uʼefaʼö ira ba danga niha samakao yaʼira.”
6 Fehede Yehowa andrö ohau-hau,+Hulö wirö nitunu ba galitö nifedadao bowoa tanö, mewitu kali mukhozi.
7 Yaʼugö Yehowa zondrorogö yaʼira;+Ölumöʼö ira zamösana moroi ba ngaʼötö si lö sökhi andre irugi zi lö aetu.
8 Niha si lö sökhi, laʼanöröi gulidanö ba zomasi-masi dödöraBörö me lazuno-zuno waʼalösökhi andrö niha gulidanö.+
Nisura ba gahe zura
^ Faigi Geluaha Ngawua Wehede.
^ Sin.: ”Fahuhuo ira faoma lela salösö”.
^ Mazui ”ba mamodombua tödö ira na fahuhuo”.