Sinunö 13:1-6
Khö zondröniaʼö sinunö. Sinunö Dawido.
13 He Yehowa, irugi hawaʼara öʼolifugö ndraʼodo? Hadia sagötö faʼara?
Hawaʼara tö nasa öbiniʼö mbawamö khögu?+
2 Hawaʼara manö tebato waʼaombö dödögu,Ba faʼabu dödögu ero maʼökhö?
Hawaʼara laböhöli wamatörö yaʼo ira si faʼudu khögu?+
3 He Yehowa Lowalangigu, faigi ndraʼo ba tema ligu.
Fangawuli waʼabölögu* enaʼö lö mörö ndraʼo ba waʼamate,
4 Enaʼö lö lamane si faʼudu khögu, ”No ukalaisi ia!”
Böi tehegö omuso dödö zi faʼudu khögu ba waʼalabugu.+
5 Hizaʼi, faduhu dödögu ba waʼomasimö si lö faröi;+Omuso dödögu börö me öʼorifi ndraʼo.+
6 Manunö ndraʼo khö Yehowa börö me sökhi dödönia khögu.*+
