Sinunö 135:1-21
135 Haleluya!*
Misuno döi Yehowa;Mibeʼe khönia wanuno, yaʼami enoni Yehowa,+
2 Sozizio ba nomo Yehowa,Ba golayama nomo Lowalangida.+
3 Haleluya,* börö me si sökhi tödö Yehowa andrö.+
Miʼanunö* ba wanuno töinia börö me tobali fangomusoiʼö dödönia daʼö.
4 Börö me no ifili Yakobo andrö Yehowa* khönia samösa,Tobali soi si tohude khönia* Gizaraʼeli.+
5 Aboto ba dödögu wa molakhömi Yehowa andrö;Abölö molakhömi Lowalangida moroi ba lowalangi tanö böʼö.+
6 Ifalua Yehowa gofu hadia manö zomasi ia+Ba mbanua si yawa hegöi ba gulidanö, ba nasi ba fefu nahia wondrege zabakha.
7 Iʼohe miyawa lawuo* moroi ba wondrege danö;Ifatenge gari mbanua fabaya teu;*Ibeʼe baero nangi moroi ba nahia wangiröʼö khönia.+
8 Ibunu fefu nono siaʼa ba Miserai,He niha hegöi urifö.+
9 Ifalua khöu ngawalö dandra sahöli-höli dödö, yaʼugö Miserai,+Föna Waraʼo ba fefu ndra sawuyunia.+
10 Oya soi nihorinia+Ba ibunu razo-razo sagabölö,+
11 Yaʼia daʼö Sihona, razo niha Gamori,+Ogi, razo Mbazana,+Ba fefu wamatörö ba Ganaʼana.
12 Ibaliʼö tanö ondröita danöra,Ondröita ba nono mbanuania Izaraʼeli.+
13 He Yehowa, lö tebulö döimö irugi zi lö aetu.
He Yehowa, itörö tödö niha ndraʼugö* götö-götö waʼara.+
14 Börö me iʼoʼawögö* nono mbanuania Yehowa,+Ba ihakhösi tödö* ndra enoninia.+
15 Nifazökhi moroi ba wirö ba moroi ba ganaʼa nadu andrö misa ba soi,Nifazökhi danga niha.+
16 So mbawara, ba lö laʼila mohede;+So hörö ba lö laʼila niha;
17 So dalinga ba lö larongo hadia ia;Lö hadöi hanu-hanu ba mbawara.+
18 Simane daʼö dania niha samazökhi yaʼira,+Awö niha si faduhu tödö khöra.+
19 He yaʼami ngaʼötö Gizaraʼeli, misuno Yehowa.
He yaʼami ngaʼötö Gaʼaroni, misuno Yehowa.
20 He yaʼami ngaʼötö Lewi, misuno Yehowa.+
Yaʼami sangataʼufi Yehowa, misuno Yehowa.
21 Yalasuno Yehowa moroi ba Ziona,+Yaʼia zi toröi ba Yeruzalema.+
Haleluya!*+
Nisura ba gahe zura
^ Ba li Heberaiʼo eluahania ”Suno Yehowa!”
^ Ba li Heberaiʼo eluahania ”Suno Yehowa!”
^ Mazui ”Mifoli wakake zinunö”.
^ Sin.: ”Ya”. Daʼa döi Yehowa si no muʼadogoiʼö.
^ Mazui ”ono mbanua niʼomasiʼönia”.
^ Mazui ”zau”.
^ Mazui te ”Ifazökhi mbawandruhö nidanö enaʼö moteu”.
^ Mazui ”lö tebulö döimö (lakhömiu)”.
^ Mazui ”iʼoʼawögö gamadöniwa”.
^ Mazui ”maniasa ia ba khö”.
^ Ba li Heberaiʼo eluahania ”Suno Yehowa!”