Sinunö 136:1-26
136 Miʼandrö saohagölö khö Yehowa börö me si sökhi tödö ia;+Lö tebulö waʼomasinia si lö faröi sagötö faʼara.+
2 Miʼandrö saohagölö khö Lowalangi yawa lowalangi böʼö,+Börö me lö tebulö waʼomasinia si lö faröi sagötö faʼara.
3 Miʼandrö saohagölö khö Zoʼaya yawa zoʼaya,Börö me lö tebulö waʼomasinia si lö faröi sagötö faʼara.
4 Ha yaʼia zamalua sahöli-höli dödö sebua,+Börö me lö tebulö waʼomasinia si lö faröi sagötö faʼara.+
5 No ihaogö wamazökhi banua si yawa ba waʼatua-tuania,+Börö me lö tebulö waʼomasinia si lö faröi sagötö faʼara.
6 No ibologö danö yawa nidanö,+Börö me lö tebulö waʼomasinia si lö faröi sagötö faʼara.
7 Ifazökhi ngawalö zi haga segebua ba dalu mbanua,+Börö me lö tebulö waʼomasinia si lö faröi sagötö faʼara.
8 Luo andrö samatörö si maʼökhö,+Börö me lö tebulö waʼomasinia si lö faröi sagötö faʼara.
9 Baŵa hegöi döfi samatörö si bongi,+Börö me lö tebulö waʼomasinia si lö faröi sagötö faʼara.
10 Ibunu fefu nono siaʼa ba Miserai,+Börö me lö tebulö waʼomasinia si lö faröi sagötö faʼara.
11 Iheta ndraono Gizaraʼeli ba soi daʼö,+Börö me lö tebulö waʼomasinia si lö faröi sagötö faʼara.
12 Ba waʼabölö dangania+ ba taʼionia sebua kuaso,*Börö me lö tebulö waʼomasinia si lö faröi sagötö faʼara.
13 Ifabali Nasi Soyo,+Börö me lö tebulö waʼomasinia si lö faröi sagötö faʼara.
14 Ifaʼötö ndraono Gizaraʼeli bakha ba gotalua nasi andrö,+Börö me lö tebulö waʼomasinia si lö faröi sagötö faʼara.
15 Itiboʼö Waraʼo awö ndra saradadunia bakha ba Nasi Soyo,+Börö me lö tebulö waʼomasinia si lö faröi sagötö faʼara.
16 Yaʼia zondröniaʼö ono mbanuania ba woʼanöröi tanö si mate,+Börö me lö tebulö waʼomasinia si lö faröi sagötö faʼara.
17 Ikalaisi razo-razo sagabölö,+Börö me lö tebulö waʼomasinia si lö faröi sagötö faʼara.
18 Ibunu razo-razo sagabölö,Börö me lö tebulö waʼomasinia si lö faröi sagötö faʼara.
19 Sihona,+ razo niha Gamori,Börö me lö tebulö waʼomasinia si lö faröi sagötö faʼara.
20 Ogi+ razo Mbazana,Börö me lö tebulö waʼomasinia si lö faröi sagötö faʼara.
21 Ibaliʼö tanö ondröita danöra,+Börö me lö tebulö waʼomasinia si lö faröi sagötö faʼara.
22 Ondröita khö genoninia Izaraʼeli,Börö me lö tebulö waʼomasinia si lö faröi sagötö faʼara.
23 Itörö tödönia me teʼailasi ita,+Börö me lö tebulö waʼomasinia si lö faröi sagötö faʼara.+
24 No hauga kali iʼefaʼö ita ba danga zi faʼudu khöda,+Börö me lö tebulö waʼomasinia si lö faröi sagötö faʼara.
25 Ibeʼe mbalazo ba ngawalö zauri fefu,+Börö me lö tebulö waʼomasinia si lö faröi sagötö faʼara.
26 Miʼandrö saohagölö khö Lowalangi samatörö sorugo,Börö me lö tebulö waʼomasinia si lö faröi sagötö faʼara.
Nisura ba gahe zura
^ Sin.: ”taʼionia si no ifadölö”.
