Sinunö 140:1-13
Khö zondröniaʼö sinunö. Sinunö Dawido.
140 He Yehowa, efaʼö ndraʼo ba danga niha si lö sökhi;Lumöʼö ndraʼo moroi ba niha safaito,+
2 Sangera-ngera si lö sökhi bakha ba dödöra+Ba sangaʼasogö faʼudusa bongi maʼökhö.
3 Atarö lelara simane lela gulö;+So ba mbewera zöfu gulö sobiso.+ (Sela)
4 He Yehowa, lumöʼö ndraʼo ba danga niha si lö sökhi;+Rorogö ndraʼo moroi ba niha safaito,Niha sangalui lala ba wangekhugö yaʼo.
5 Lafazökhi dandrawa ira niha sasiliyawa ba wamaʼala yaʼo;Lafadölö guʼö ba lalagu.+
Ba lafazökhi fönagu dandrawa.+ (Sela)
6 Umane khö Yehowa, ”Yaʼugö Lowalangi.
He Yehowa, fondrondrongo weʼaogu ba wangandrö fanolo.”+
7 He Yehowa Lowalangi Fondrege Zalawa, Sangefaʼö yaʼo fondrege zabölö,Ölumöʼö ndraʼo* moroi ba wasuwöta.+
8 He Yehowa, böi oʼö zomasi niha si lö sökhi andrö.
Böi tehegö aʼozu wamaʼala si no laʼera-era, faböi fayawa ira.+ (Sela)
9 Fefu zi lö sökhi nifaʼema niha samasui yaʼoYamangawuli khöra.*+
10 Yaʼihawui ira bo galitö si hola-hola.+
Yatefazaumba ira bakha ba galitö,Ba mbaho sabakha*+ irege tebai möi ira yawa.
11 Yalömowanua ba gulidanö niha samöbögö si lö duhu.+
Yaʼigohi ba ibözi niha si lö sökhi andrö faʼalösökhi.
12 Aboto ba dödögu wa iʼoʼawögö niha nifakao andrö YehowaBa ibeʼe waʼatulö ba niha si numana.+
13 Hasambalö mangandrö saohagölö niha satulö tödö ba döimö;Ba monahia fönau niha sadölö tödö.+
