Sinunö 141:1-10
Sinunö Dawido.
141 He Yehowa, khöu muʼao ndraʼo.+
Aliokö wanolo yaʼo.+
Fondrondrongo ligu na muʼao ndraʼo khöu.+
2 Yahulö zumange somuhua wangandrögu,+ si no mufaʼanö tanö fönau.+
Tangagu si no tefazawa amaedola zumange niʼa* ba zi bongi.+
3 He Yehowa, fatenge zanaro bawagu,Fataro zanaro bewegu.*+
4 Böi tehegö aolo dödögu ba woloʼö si lö sökhi,+Ba wamalua ngawalö zi lö sökhi awö niha si lö sökhi;Yalöʼirai fao ndraʼo wemanga göra sami-ami.
5 Na ibözi ndraʼo niha satulö, daʼö dandra waʼomasi si lö faröi;+Na itegu ndraʼo, amaedola wanikha daʼö ba högögu,+Lö utimbagö.+
Lö uböhöli wangandrö salahinia na göna ia famakao.
6 Hewaʼae lafazaumba ba mbaho gara ndra sanguhuku khöra,Ba dozi niha lafondrondrongo wehedegu börö waʼomuso dödöra.
7 Simane niha samaku tanö ba samoboto tambu,Muzawili dölada ba Lewatö.*
8 Hizaʼi, ha yaʼugö niʼila hörögu yaʼugö Yehowa, Lowalangi Fondrege Zalawa.+
Khöu ulumöʼö ndraʼo.
Böi tehegö aetu nosogu.*
9 Lumöʼö ndraʼo moroi ba guʼö nifazökhi ba wamaʼala yaʼo,Moroi ba dandrawa niha si lö sökhi.
10 Fefu niha si lö sökhi, aekhu ira ba guʼö nifazökhira+Na yaʼo, utörö lala ba teʼefaʼö ndraʼo.
Nisura ba gahe zura
^ Mazui ”zumange bua nowi”.
^ Sin.: ”bawandruhö mbewegu”.
^ Mazui ”Syeol”. Faigi Geluaha Ngawua Wehede.
^ Mazui ”mate ndraʼo”.