Sinunö 143:1-12
Sinunö Dawido.
143 He Yehowa, fondrondrongo wangandrögu;+Fondrondrongo weʼaogu ba wangandrö fanolo.
Tema ligu moloʼö faʼalöfaröi ba faʼatulömö.
2 Böi huku genonimö,Ba gotalua niha sauri, samösa lö hadöi satulö tanö fönau.+
3 Igohi ndraʼo si faʼudu khögu;Ifakiko ndraʼo* irege aloʼo tou ba danö.
Iröi ndraʼo ba zogömi-gömi simane niha si no ara mate.
4 Ahori waʼabölögu;+Ba oköli dödögu lö raso.+
5 Itörö tödögu zi no numalö;Uʼangerönusi fefu nifaluamö;+Uʼangeragö* halöwö dangamö.
6 Mangandrö ndraʼo* khöu;Hulö dambu soköli ndraʼo sowökhi tödö ba khöu.+ (Sela)
7 He Yehowa, aliokö wanema ligu;+No ahori waʼabölögu.+
Böi biniʼö khögu mbawamö,+Enaʼö tenga simane niha si möi tou ba lewatö ndraʼo.+
8 Tehegö khögu wamondrongo faʼomasimö si lö faröi ero sihulö wongi,Börö me faduhu dödögu khöu.
Fatunö khögu lala sinangea utörö,+Börö me khöu manötönado.
9 He Yehowa, efaʼö ndraʼo ba danga zi faʼudu khögu.
Khöu uʼalui wolumöʼö yaʼo.+
10 Fahaʼö ndraʼo ba wamalua ohitö dödöu,+Börö me Lowalangigu ndraʼugö.
Sökhi gehehamö andrö;Yaʼituturu lalagu ba danö saloʼo.*
11 Ba döimö andrö yaʼugö Yehowa, rorogö ndraʼo enaʼö aurido.
Börö me satulö tödö ndraʼugö, efaʼö ndraʼo moroi ba waʼabu dödö.+
12 Börö waʼomasimö si lö faröi, hori* zi faʼudu khögu;+Fakiko fefu zamakao yaʼo,+Börö me enoniu ndraʼo.+
Nisura ba gahe zura
^ Mazui ”nosogu”.
^ Mazui ”Omasido sibai ufahaʼö ndraʼo ba”.
^ Mazui ”Ufazawa dangagu”.
^ Mazui ”ba danö faʼadölö dödö”.
^ Sin.: ”duhö mbawa”.