Sinunö 144:1-15
Sinunö Dawido.
144 Nisuno Yehowa, Gowe Saro andrö khögu,+Samahaʼö tangagu ba wasöndrataTurugu ba wasuwöta.+
2 Iʼomasiʼö ndraʼo* ba yaʼia mbaʼa-baʼagu,Sangefaʼö yaʼo ba sawatögu ba wolumöʼö yaʼo,*Balusegu ba nahia wolombasegu,+Lowalangi sanehegö khögu ba wokalaisi fefu soi.+
3 He Yehowa, hadia sibai niha andrö irege önehegö ia,Hadia sibai niha andrö irege öʼameʼegö tödö ia?+
4 Niha andrö amaedola hanu-hanu;+Ngaluonia hulö lumö-lumö si taya.+
5 He Yehowa, adogo-dogoiʼö tou mbanua andrö khöu ba aeʼe mitou;+Babaya hili-hili enaʼö manimbo.+
6 Fazaere gari mbanua enaʼö muzawili nudu;+Efasi nono wana andrö khöu enaʼö fawuka ira.+
7 Oroʼö dangamö moroi ba nahia salawa;Orifi ndraʼo moroi ba nasi sobade,Moroi ba danga* niha si fatewu,+
8 Niha si falimo ba mbewera,Samazawa tangania kambölö weʼamöi ba hölu ba waya.
9 He Lowalangi, uʼanunöisi khöu zinunö si bohou.+
Uʼanunöisi zinunö si fao harafa sebua,*
10 Khö Lowalangi sameʼe faʼamöna* khö ndra razo-razo,+Lowalangi sangefaʼö enoninia Dawido moroi ba wöda samunu.+
11 Efaʼö ba heta ndraʼo ba danga niha baero,Sangumaʼö falimosa ba mbewenia,Samazawa tangania kambölö weʼamöi ba hölu ba waya.
12 Alio tedou khöma nono matua simane liwiö zinanö salio manöi,Ono alawe khöma hulö toga si tobali gama-gama ba watalinga gödo razo.
13 Fahöna mbua nowi khöma ba naha wangiröʼö;Tedou waʼoya guriföma ba mbenua mato hauga ribu winaeta, ikhamö ngafulu ribu.
14 Na manabina khöma zawi, lö mesokho ba lö göi adudu nononia ba dalu;Lö hadöi fege-ege misa ba golayama khöma.
15 Yaʼahowu nono mbanua sorasoi simane daʼö!
Yaʼahowu nono mbanua sangolowalangigö Yehowa!+
Nisura ba gahe zura
^ Mazui ”Iforomaʼö waʼomasi si lö faröi khögu”.
^ Mazui ”Nahia salawa khögu si lö ametaʼuö”.
^ Mazui ”gokhö”.
^ Mazui ”wakake zinunö si fulu rozi sinali”.
^ Mazui ”fangorifi”.
