Sinunö 147:1-20
147 Haleluya!*
Sökhi sibai na manunö ita* khö Lowalangi;Sinangea ba hawaʼomuso dödönia na tasuno ia!+
2 Yehowa zamasindro Yeruzalema;+Iʼowuloi ndraono Gizaraʼeli si no muzawili.+
3 Ifadöhö niha si no arasa tödö;Ibalugö zokhora.
4 Iʼerai hawaʼoya ndröfi;Ikaoni ira fefu ba itötöi döira.+
5 No sebua lakhömi Zoʼaya yaʼita ba fahöna khönia waʼabölö;+Tebai musuʼa waʼatua-tuania.+
6 Yehowa dania zamazawa niha sangide-ngideʼö yaʼia,+Ba itiboʼö tou ba danö niha si lö sökhi.
7 Miʼanunöisi zinunö fangandrö saohagölö khö Yehowa;Miʼanunö khö Lowalangida si fao harafa,
8 Sombalugö talu mbanua faoma lawuo,Sanorugö teu ba gulidanö,+Samatumbuʼö duʼu+ misa ba hili-hili.
9 Ibeʼe mbalazo gurifö,+Ba nono gaga sangandrö gönia.+
10 Lö omuso dödönia ba waʼabölö kudo,+Mazui toröi-röi ba dödönia waʼabölö ndra matua.*+
11 Omasi Yehowa niha sangataʼufi töinia,+Simanö göi zanötöna faʼomasinia si lö faröi.+
12 Folakhömi Yehowa, yaʼugö Yeruzalema.
Suno Lowalangimö, yaʼugö Siona.
13 Yaʼia zangaʼaroʼö bawa gölimö;Ifahowuʼö ndraono matua khöu.
14 Iʼohe waʼatulö ba mbanuamö;+Iʼabusoiʼö ndraʼugö gandru fondrege zi sökhi.+
15 Ifaʼoheʼö goroisania ba gulidanö;Abölö fagohi daromalinia.
16 Iʼasogö deu esi simane bu mbiri-biri safusi;+Ifazawili namo si baku simane gawu-gawu.+
17 Itorugö deu esi simane akhökhöla roti.+
Haniha zi tola manaha faʼokafunia?+
18 Ifaʼoheʼö daromalinia ba tobali idanö esi.
Ifaʼaso nangi+ ba mangele nidanö.
19 Ifaʼema wehedenia khö Yakobo,Amakhoita hegöi angetulania khö Gizaraʼeli.+
20 Lö ifalua daʼö ba soi böʼö;+Lö hadöi laʼila gangetulania.
Haleluya!*+
Nisura ba gahe zura
^ Ba li Heberaiʼo eluahania ”Suno Yehowa!”
^ Mazui ”tafoli wakake zinunö”.
^ Sin.: ”gahe ndra matua”.
^ Ba li Heberaiʼo eluahania ”Suno Yehowa!”
