Sinunö 149:1-9
149 Haleluya!*
Miʼanunöisi zinunö si bohou khö Yehowa;+Misuno ia ba gotalua nono mbanua si lö faröi.+
2 Yaʼomuso dödö ndraono Gizaraʼeli börö Zomböi yaʼira Solakhömi;+Yaʼomuso dödö Ziona börö Razora.
3 Yalasuno döinia si fao fanari+Ba laʼanunöisi khönia zinunö si fao tamburu ba harafa.+
4 Börö me omuso dödö Yehowa ba nono mbanuania.+
Iʼamualagö wangorifi ba niha satulö tödö.*+
5 Yaʼomuso dödö niha si lö faröi börö lakhömi si no tebeʼe khöra;Yaʼowua-wua dödöra ba naha wemöröra.+
6 Yalöʼaetu ba mbawara* zinunö fanuno khö Lowalangira,Simanö göi gari si faoma bawa ba dangara,
7 Ba wamalua folau balö ba ngawalö soiBa wanguhuku fefu mado,
8 Ba wamöbö razora faoma bilaguHegöi ba worate ira tuhenöri khöra,
9 Ba wanguhuku yaʼira simane si no tesura.+
Lakhömi daʼa okhöta nono mbanuania si lö faröi.
Haleluya!*
Nisura ba gahe zura
^ Ba li Heberaiʼo eluahania ”Suno Yehowa!”
^ Sin.: ”Ifogama-gama niha satulö tödö faoma fangorifi”.
^ Sin.: ”ba dölö-tölöra”.
^ Ba li Heberaiʼo eluahania ”Suno Yehowa!”