Sinunö 19:1-14
Khö zondröniaʼö sinunö. Sinunö Dawido.
19 Idunö-dunö lakhömi Lowalangi banua si yawa;+Talu mbanua zangombakha halöwö dangania.+
2 Ero maʼökhö lö aetu mangumbu-ngumbu wehedera;Ero bongi ladunö-dunö waʼaboto ba dödö sanandrösa khönia.
3 Lö fehede ba lö li;Lö terongo lira.
4 Terongo lira* ba zi sagörö ulidanö,Ba no irugi wondrege danö* duria nifaʼemara.+
Itaruʼö nosenia Lowalangi ba dalu mbanua soguna ba luo,
5 Hulö marafule ia si otarai mbateʼenia,Somuso tödö ia simane ira matua sabölö si fagohi ba lalania.
6 Tohare ia moroi ba mbalö mbanua si sambua,Numalö ba mbalö mbanua tanö böʼö;+Ba lö hadöi si tobini ba waʼaukhu hagania.
7 Moʼahonoa goroisa Yehowa andrö,+ möi fangokafu dödö.+
Famasugi ba dödö moroi khö Yehowa andrö tola mufaduhusi tödö,+ ifofaʼatua-tua zambö tödö.+
8 Satulö wanuturu lala moroi khö Yehowa, möi fangomuso dödö;+Lö raʼiö goroisa Yehowa andrö, möi famokai hörö.+
9 Fangataʼufi Yehowa andrö+ no ohau-hau, lö tebulö sagötö faʼara.
Sindruhu gangetula* Yehowa andrö, atulö fefu.+
10 Abölö ebua mbölinia moroi ba ganaʼa,+Moroi ba ganaʼa fondrege zi sökhi,Ba abölö ami moroi ba wewani,+ wewani sowöi ba gawa-awa.
11 Börö daʼö, lafangelama genonimö;+Na lafalua daʼö, ba latema luo sebua.+
12 Haniha zaboto ba dödö olalöwania samösa?+
Bologö dödöu ba horö si lö uʼodödögö.
13 Taha genonimö enaʼö lö fayawa ia;+Böi tehegö ifatörö ndraʼo amuata daʼö,+Enaʼö lö mosinegu ndraʼo,+Ba aefa moroi ba horö* sebua.
14 Yamöi fangomuso dödöu wehede si otarai mbawagu hegöi niʼera-era dödögu+He Yehowa, Gowe Saro ndraʼugö khögu+ ba Sangöhöli yaʼo.+
Nisura ba gahe zura
^ Mazui te ”Ofeta zinali fanuʼa”.
^ Mazui ”irugi danö satabö sinanö”.
^ Mazui ”wanguhuku”.
^ Mazui ”ba golalöwa”.