Sinunö 20:1-9
-
Iʼefaʼö razo nifataronia Lowalangi
-
So zangodaligö kureta wasuwöta awö kudo, ’hizaʼi taʼangaröfili döi Yehowaʼ (7)
-
Khö zondröniaʼö sinunö. Sinunö Dawido.
20 Yaʼifondrondrongo Yehowa wangandröu ba ginötö waʼatosasa.
Yaʼilumöʼö ndraʼugö töi Lowalangi Yakobo.+
2 Yaʼifatenge zanolo moroi ba nahiania niʼamoniʼö+Ba iʼabölöʼö ndraʼugö moroi ba Ziona.+
3 Yaʼitörö tödönia fefu zumange nibeʼemö;Yaʼomuso dödönia wanema sumange* nitunu nibeʼeu. (Sela)
4 Yaʼibeʼe zomasi dödöu+Ba yamofozu fefu niʼera-eramö.*
5 Owua-wua dödöda ba waʼamöna* si otarai khö Lowalangi;+Tafazawa dandra-tandra mandrera ba döi Lowalangida.+
Yaʼibeʼe fefu gangandröwamö Yehowa.
6 Aboto ba dödögu iadaʼa wa iʼefaʼö Yehowa niha nibayoininia.+
Ifondrondrongo wangandrönia moroi ba nahiania niʼamoniʼö ba zorugoSi fao faʼamöna* sebua ba dangania kambölö.+
7 So zangodaligö kureta wasuwöta ba so göi zangodaligö kudo,+Hizaʼi taʼangaröfili döi Lowalangida Yehowa.+
8 Tegaölö ira tou ba alabu,Hizaʼi maoso ita ba ifuli mosindro.+
9 He Yehowa, efaʼö razo!+
Fondrondrongo wehedema ba ginötö maʼandrö khöu wanolo.+
Nisura ba gahe zura
^ Sin.: ”Yahulö dawö wamaiginia zumange”.
^ Mazui ”gohitö dödöu”.
^ Sin.: ”ba wangorifi”.
^ Mazui ”fangorifi”.