Sinunö 21:1-13
Khö zondröniaʼö sinunö. Sinunö Dawido.
21 He Yehowa, omuso dödö razo börö waʼabölömö;+Omuso sibai dödönia börö wangorifi nibeʼeu khönia!+
2 No öbeʼe zomasi dödönia,+Ba lö ötimbagö gangandröwania. (Sela)
3 Öfaondragö ia faoma howu-howu soya;Öbeʼe ba högönia dakula anaʼa si sökhi.*+
4 Iʼandrö khöu waʼauri ba öbeʼe khönia waʼanau noso,+Faʼauri sagötö faʼara.
5 Ebua sibai lakhöminia börö wangorifi si otarai ndraʼugö.+
Öfolakhömi ia ba öʼebuaʼö döinia.
6 Tefahowuʼö ia öbeʼe sagötö faʼara;+Omuso dödönia öbeʼe börö me yaʼugö zi fao khönia.*+
7 Faduhu dödö razo khö Yehowa;+Lö irai mangiwa ia börö waʼomasi si lö faröi moroi khö Wondrege Zalawa.+
8 Öraʼu tangamö zi faʼudu khöu fefu;Tangamö kambölö zondraʼu niha si fatiu tödö khöu.
9 Ba ginötö si no ötatugöi ba wamareso yaʼira, öbaliʼö ira simane alitö si hola-hola.
Itölö ira Yehowa ba wönunia, ba alitö zi manga yaʼira.+
10 Öhori ngaʼötöra* ba gulidanö,Awö maʼuwura ba gotalua nono niha.
11 Lafatou-tou tödöra wamalua khöu si lö sökhi;+Laʼera-era wamaʼala si lö aʼozu.+
12 Awuwu ira furi öbeʼe+Me no öfangaha khöra* wana sinali andrö khöu.
13 Faoso yaʼugö Yehowa, foromaʼö waʼabölömö.
Manunö ndraʼaga ba masuno* waʼabölömö.
Nisura ba gahe zura
^ Mazui ”si no mufatörö ba galitö”.
^ Mazui ”me so ia tanö fönamö”.
^ Mazui ”nonora si so ba dalu”.
^ Sin.: ”ba mbawara”.
^ Sin.: ”ba mafoli wakake zinunö sanandrösa ba”.