Sinunö 25:1-22
Sinunö Dawido.
א [Alef]
25 He Yehowa, khöu mangandrö* ndraʼo.
ב [Bet]
2 He Lowalangigu, khöu faduhu dödögu;+Böi tehegö teʼailasi ndraʼo.+
Böi tehegö laʼigiʼö ndraʼo si faʼudu khögu.+
ג [Gimel]
3 Lö teʼailasi dania niha sanötöna khöu,+Hizaʼi teʼailasi dania niha si faröi.+
ד [Dalet]
4 He Yehowa, tuturu khögu lalamö andrö;+Fahaʼö ndraʼo ba lalamö.+
ה [He]
5 Ohe ndraʼo ba lala satulö andrö khöu ba fahaʼö ndraʼo,+Börö me yaʼugö Lowalangi Sangorifi yaʼo.
ו [Waw]
Khöu manötöna ndraʼo.
ז [Zayin]
6 He Yehowa, törö tödöu waʼahakhö dödö ba faʼomasimö si lö faröi,+Si lö tebulö öforomaʼö.*+
ח [Het]
7 Böi törö tödöu horö awö golalöwagu me awuyu-wuyu ndraʼo.
Törö tödöu ndraʼo börö waʼomasimö si lö faröi,+Börö waʼasökhi dödöu Yehowa.+
ט [Tet]
8 Yehowa andrö si sökhi ba sadölö tödö,+Daʼö mbörö wa ifahaʼö niha sebua horö ba lala sinangea latörö.+
י [Yod]
9 Ituturu lala niha sangide-ngideʼö yaʼia ba lala satulö;+Ifahaʼö lalania ba niha sangide-ngideʼö.+
כ [Kaf]
10 Fefu lala Yehowa andrö afönu faʼomasi si lö faröi ba faʼaduhu,*Ba niha samalua buʼusa linia+ ba soloʼö famasugi ba dödö nibeʼenia.+
ל [Lamed]
11 He Yehowa, hewaʼae ebua zalagu,+Bologö dödöu khögu börö döimö andrö.
מ [Mem]
12 Haniha zangataʼufi Yehowa?+
Ifahaʼö dania ia Lowalangi ba lala sinangea ifili.+
נ [Nun]
13 Owua-wua dödönia ba ngawalö zi sökhi,+Ngaʼötönia dania zokhö tanö.+
ס [Samekh]
14 Fahuwu Yehowa ba niha sangataʼufi yaʼia,+Ba ifatunö khöra mbuʼusa linia.+
ע [Ayin]
15 Lö aefa-aefa hörögu* khö Yehowa,+Börö me iʼefaʼö gahegu ba guʼö* andrö.+
פ [Pe]
16 Otahögö ndraʼo ba hakhösi tödö ndraʼo,Börö me ha yaʼo ba lö faʼabölögu.
צ [Tsade]
17 Itugu tosasa dödögu;+Efaʼö ndraʼo moroi ba gabula dödögu.
ר [Res]
18 Faigi wangabu dödö ba famakao si göna khögu,+Ba efaʼö fefu horögu.+
19 Hiza, monönö waʼato zi faʼudu khögu,Ba itugu ebua watiusara khögu.
ש [Syin]
20 Rorogö nosogu ba efaʼö ndraʼo.+
Böi tehegö teʼailasi ndraʼo, börö me khöu ulumöʼö ndraʼo.
ת [Taw]
21 Yaʼirorogö ndraʼo faʼalöfaröigu ba faʼadölö dödögu,+Börö me khöu manötöna ndraʼo.+
22 He Lowalangi, efaʼö* ndraono Gizaraʼeli moroi ba wamakao.
Nisura ba gahe zura
^ Mazui ”khöu ufuli ndraʼo”.
^ Mazui ”Si no so iʼotarai mböröta”.
^ Mazui ”faʼalöfaröi”.
^ Mazui ”ba dandrawa”.
^ Mazui ”Lö tebulö ulumöʼö ndraʼo”.
^ Sin.: ”höli”.
