Sinunö 29:1-11
Sinunö Dawido.
29 Misuno Yehowa yaʼami ono Lowalangi sabölö,*Misuno Yehowa börö lakhömi hegöi faʼabölönia.+
2 Mifolakhömi Yehowa börö döinia.
Miʼangalulu* khö Yehowa ba mifake nukha niʼamoniʼö.*
3 Terongo li Yehowa ba dete lawuo;*+Moʼugu Lowalangi solakhömi simane gari mbanua.
Ba dete lawuo saweʼe-weʼe* so Yehowa.+
4 Mofaʼabölö li Yehowa;+Sahöli-höli dödö li Yehowa.
5 Afatö geu eresi ba li Yehowa;Ihori fefu geu eresi Libano andrö Yehowa.+
6 Manaoka ibeʼe Libano* simane ono zawi,Ba manaoka Ziriono*+ simane ono göröbao samuʼi.
7 Morata gari mbanua ba li Yehowa;+
8 Modögö danö si mate ba li Yehowa;+Modögö Danö si Mate Gadesi+ ibeʼe Yehowa.
9 Ahori gatua ba li Yehowa+Ba manizi mböhö si alawe ba moʼono.
Muʼao fefu niha ba gosalinia lamane, ”Mifolakhömi Lowalangi!”
10 Mamatörö Yehowa ba dete nidanö soya;*+Mamatörö Yehowa tobali Razo irugi zi lö aetu.+
11 Yehowa zangabölöʼö ono mbanuania.+
Ifahowuʼö nono mbanuania Yehowa faoma faʼatulö.+
Nisura ba gahe zura
^ Mazui ”niwöwöi tobali boto eheha”.
^ Mazui ”Mifosumange”.
^ Mazui te ”börö me sökhi sibai wangamoniʼönia yaʼia”.
^ Sin.: ”nidanö”.
^ Sin.: ”dete nidanö soya”.
^ Töi nibeʼe niha Zidona ba Hili Heremono.
^ Te Hili Libano.
^ Mazui ”nidanö soya ba mbanua si yawa”.
