Sinunö 31:1-24
Khö zondröniaʼö sinunö. Sinunö Dawido.
31 He Yehowa, khöu ulumöʼö ndraʼo.+
Böi tehegö teʼailasi ndraʼo.+
Efaʼö ndraʼo börö me yaʼugö zatulö.+
2 Beʼe mbörö dalingau khögu.*
Aliokö wangefaʼö yaʼo.+
Yatobali ndraʼugö hili folumöʼögu,Baʼa-baʼa saro ba wangefaʼö yaʼo.+
3 Hili kara khögu ndraʼugö ba baʼa-baʼagu;+Ötuturu lalagu+ ba öʼohe ndraʼo börö döimö.+
4 Öʼefaʼö dania ndraʼo ba guʼö nifazökhira si no tobini,+Börö me yaʼugö mbaʼa-baʼagu.+
5 Ba dangau utouʼö nosogu.+
He Yehowa Lowalangi sindruhu,* no öhöli ndraʼo.+
6 Fatuwu ndraʼo niha sanömba adu si lö eluaha.
Na yaʼo, khö Yehowa faduhu dödögu.
7 Omuso sibai dödögu börö waʼomasimö si lö faröi,Börö me öʼila wamakao si göna yaʼo;+Öʼila hawaʼatosasa dödögu.
8 Lö ölulu ndraʼo ba danga zi faʼudu khögu,Hizaʼi öfezizio ndraʼo ba nahia si lö ametaʼuö.*
9 Hakhösi tödö ndraʼo Yehowa börö waʼatosasagu.
Aoko guli hörögu+ ba waʼabu dödö, marase mbotogu.*+
10 Afönu abula dödö waʼaurigu+Sagötö faʼanau nosogu, afönu fangarö-ngarö.+
Alö waʼabölögu börö zalagu;Ombuyu dölagu.+
11 Fefu zi faʼudu khögu laʼoʼaya ndraʼo,+Mendrua manö saʼae zi falazi omo khögu.
Ataʼu khögu ndra awö-awögu;Moloi ira na laʼilado ba lala.+
12 Laʼolifugö ndraʼo ba lö saʼae ba dödöra,* hulö zi no mate;Hulö mbowoa saboto ndraʼo.
13 Oya wehede si lö sökhi nirongogu;+Oi ametaʼuö zalua ba zi fasuigu.
Ba ginötö mamagölö ira wolawa yaʼo,Laʼera-era wamunu yaʼo.+
14 Hizaʼi, khöu faduhu dödögu Yehowa.+
Umane, ”Yaʼugö Lowalangigu.”+
15 Ba dangamö so waʼaurigu.*
Efaʼö ndraʼo moroi ba danga zi faʼudu khögu ba samakao yaʼo.+
16 Foromaʼö waʼomasiu* khö genonimö.+
Efaʼö ndraʼo börö waʼomasimö si lö faröi.
17 He Yehowa, böi tehegö teʼailasi ndraʼo na muʼao ndraʼo khöu.+
Yateʼailasi niha si lö sökhi;+Yateduhö mbawara ba Lewatö.*+
18 Yalömohede saʼae mbewe si falimo;+Bewe si fayawa sangöhöndrögö ba sangoʼaya niha satulö.
19 Hawaʼebua waʼasökhi dödöu!+
No öhenaigö daʼö ba niha sangataʼufi yaʼugö!+
Öforomaʼö daʼö ba niha solumöʼö yaʼira khöu, ba dozi niha tola laʼila daʼö.+
20 Ölumöʼö ira ba naha si tobini andrö fönau,+Moroi ba dandrawa nifalua niha;Öbiniʼö ira barö gafimöMoroi ba zi lö sökhi.*+
21 Nisuno Yehowa,Börö me iforomaʼö khögu waʼomasinia si lö faröi+ sahöli-höli dödö bakha ba mbanua si no mufaʼuʼu.+
22 Alangu dödögu ba umane,
”Si taya ndraʼo tanö fönau.”+
Hizaʼi öfondrondrongo me muʼao ndraʼo ba wangandrö fanolo.+
23 Yaʼami fefu si lö faröi khönia, miʼomasiʼö Yehowa!+
Ilumöʼö Yehowa niha si lö faröi,+Ba abölö-bölö wanguhukunia niha sebua faʼasiliyawa.+
24 Dozi ami sanötöna khö Yehowa,+Böi miʼataʼufi ba miʼaroʼö dödömi.+
Nisura ba gahe zura
^ Mazui ”Faöndrö ndraʼugö ba fondrondrongo niwaʼögu”.
^ Mazui ”Lowalangi si lö faröi”.
^ Mazui ”danö sebolo”.
^ Mazui ”nosogu hegöi talugu”.
^ Mazui ”ba wangera-ngerara”.
^ Sin.: ”ginötögu”.
^ Sin.: ”Yamohaga mbawamö”.
^ Mazui ”Syeol”. Faigi Geluaha Ngawua Wehede.
^ Mazui ”ba mbawa si fakara-kara”.
