Sinunö 32:1-11
Sinunö Dawido. Masikili.*
32 Yaʼahowu niha si no muʼefaʼö olalöwa ba si no mubalugö horö.+
2 Yaʼahowu niha si lö sala ba wamaigi Yehowa,+Ba si lö omasi falimo.
3 Me ubiniʼö horögu, ba marase ndraʼo ba wangarö-ngarö ero maʼökhö.+
4 Tobali noro dödögu dangamö* bongi maʼökhö.+
Taya waʼabölögu* hulö nidanö sogöʼö ba mbaŵa lökhö. (Sela)
5 Ba gafuriata, ufaduhuʼö khöu horögu;Lö ubiniʼö zalagu.+
Umane, ”Ufaduhuʼö golalöwagu khö Yehowa.”+
Ba öʼefaʼö zala awö horögu.+ (Sela)
6 Daʼö mbörö wa mangandrö khöu niha si lö faröi+Gasa-gasa ötehegö lafalukhaisi ndraʼugö,+Ba lö ihanigö ira molö famakao.
7 Khöu ulumöʼö ndraʼo;Yaʼugö zangefaʼö yaʼo ba waʼatosasa.+
Ifasui ndraʼo faʼomuso dödö börö me yaʼugö zangefaʼö yaʼo.+ (Sela)
8 Ömane, ”Ubeʼe dania khöu waʼaboto ba dödöBa ututuru khöu lala sinangea ötörö.+
Ubeʼe khöu wotu ba uʼameʼegö tödö wamaigi yaʼugö.+
9 Böi mifaomagö ami ba kudo mazui kalide gatua si lö tödö,+Nifesu bawa mazui nifosiʼöliEnaʼö laʼoʼö niwaʼöu.”
10 Oya wamakao ba niha si lö sökhi,Hizaʼi niha si faduhu tödö khö Yehowa ifasui ia faʼomasi si lö faröi andrö khönia.+
11 Yaʼami niha satulö, miʼomusoiʼö dödömi khö Yehowa ba miʼowua-wuaʼö dödömi;Yaʼami niha sadölö tödö, miʼaʼiki ba waʼomuso dödö.
Nisura ba gahe zura
^ Faigi Geluaha Ngawua Wehede.
^ Mazui ”me lö omuso dödöu khögu”.
^ Mazui ”Otufo nidanö nösigu”.
