Sinunö 33:1-22
33 He yaʼami niha satulö, miʼomusoiʼö dödömi khö Yehowa.+
Yaʼami satulö tödö, sinangea misuno ia.
2 Andrö saohagölö khö Yehowa si fao harafa side-ide;Miʼanunöisi khönia zinunö fanuno* si fao harafa sebua.*
3 Miʼanunöisi khönia zinunö si bohou;+Mihaogö wamoli harafa si fao faʼowua-wua dödö.
4 Sindruhu wehede Yehowa andrö,+Ba fefu nifaluania tola mufaduhusi tödö.
5 Iʼomasiʼö zindruhu, simanö göi waʼatulö.+
Afönu gulidanö faʼomasi si lö faröi moroi khö Yehowa.+
6 Börö daromali Yehowa wa tewöwöi mbanua si yawa,+Ba börö hanu-hanu* moroi ba mbawania wa tewöwöi nösinia* maʼafefu.
7 Iʼowuloi nidanö nasi hulö nifobaʼa-baʼa;+Ibeʼe ndrulu nasi bakha ba halasa.
8 Yamuʼataʼufi Yehowa ösi gulidanö maʼafefu.+
Yaʼahöli-höli dödö zowanua ba danö.
9 Na mohede ia, ba ahori tewöwöi fefu.+
Na ibeʼe goroisa, ba ahori so fefu.+
10 Ifawukaisi dandrawa* soi böʼö Yehowa;+Lö mofozu ibeʼe niʼera-erara.+
11 Hizaʼi, lö tebulö gangetula* Yehowa sagötö faʼara;+Ohitö dödönia lö tebulö götö-götö waʼara.
12 Yaʼahowu soi sangolowalangigö Yehowa;+Yaʼahowu nono mbanua si no ifili tobali tana khönia.+
13 Ifaigi-faigi Yehowa moroi ba zorugo;Iʼila fefu niha gulidanö.+
14 Moroi ba nahiania,Inehe-nehegö zowanua ba danö.
15 Yaʼia zamazökhi tödöra;Ifareso fefu nifaluara.+
16 Tenga börö waʼato zaradadu wa teʼorifi razo;+Tenga börö waʼabölönia samösa wa teʼorifi zaradadu sabölö.+
17 Tebai muʼodaligö kudo ba wolohe faʼamöna;*+Ba lö iʼorifi niha faʼabölönia.
18 Hizaʼi, hörö Yehowa zondrorogö niha samosumange yaʼia,+Sanötöna faʼomasinia si lö faröi,
19 Iʼefaʼö ira moroi ba waʼamate,Ba irorogö ira faböi tekiko na baŵa waʼolofo.+
20 Khö Yehowa manötöna ita.
Baluseda ia ba sanolo yaʼita.+
21 Börö ia wa omuso dödöda,Börö me faduhu dödöda ba döinia niʼamoniʼö.+
22 He Yehowa, yalötebulö fao khöma waʼomasimö si lö faröi,+Gasa-gasa wombaloima yaʼugö.+
Nisura ba gahe zura
^ Mazui ”Mifoli khönia wakake zinunö”.
^ Mazui ”fakake zinunö si fulu rozi sinali”.
^ Sin.: ”geheha”.
^ Sin.: ”zaradadunia”.
^ Mazui ”gohitö dödö”.
^ Mazui ”niʼera-era”.
^ Mazui ”fangorifi”.