Sinunö 34:1-22
Sinunö Dawido, me iʼosowöhö ia+ föna Gabimelekhi samofanö yaʼia, ba mofanö Dawido.
א [Alef]
34 Lö mamalö usuno Yehowa;Lö uböhöli* wanuno yaʼia.
ב [Bet]
2 Ufolakhömi Yehowa;+Larongo dania daʼö niha si so fangide-ngideʼö ba omuso dödöra.
ג [Gimel]
3 Mifao khögu ba woʼalawaʼö Yehowa;+Miʼaine, datafolakhömi döinia.
ד [Dalet]
4 Mangandrö ndraʼo khö Yehowa ba itema ligu.+
Iʼefaʼö ndraʼo moroi ba waʼataʼu.+
ה [He]
5 Omuso-muso dödö niha si faduhu tödö khönia;Lö teʼailasi ira.
ז [Zayin]
6 Muʼao niha si göna famakao andre ba ifondrondrongo Yehowa.
Iʼefaʼö ia moroi ba gabula dödönia.+
ח [Het]
7 So malaʼika* Yehowa ba zi fasui niha sangataʼufi yaʼia,+Ba iʼefaʼö ira.+
ט [Tet]
8 Mitandra ba mifaigi wa si sökhi tödö Yehowa andrö;+Omuso dödö niha solumöʼö yaʼira khönia.
י [Yod]
9 Miʼataʼufi Yehowa, yaʼami ono mbanuania,*Börö me lö ambö hadia ia ba niha sangataʼufi yaʼia.+
כ [Kaf]
10 Singo sagawuyu-wuyu manö ba olofo,Hizaʼi, lö ambö hadia ia zi sökhi ba niha sangalui Yehowa.+
ל [Lamed]
11 Miʼaine yaʼami iraonogu, mifondrondrongo wehedegu;Ufahaʼö dania ami hadia geluaha wangataʼufi Yehowa.+
מ [Mem]
12 Haniha moroi ba gotaluami zomasi manöndra faʼauri?
Haniha zomasi anau noso ba ohahau dödönia?+
נ [Nun]
13 Na simanö, taha lelau moroi ba wehede si lö sökhi,+Hegöi beweu moroi ba walimosa.+
ס [Samekh]
14 Aröuʼö ndraʼugö moroi ba zi lö sökhi ba falua zi sökhi,+Alui waʼatulö ba gohi.+
ע [Ayin]
15 Ifaigi-faigi Yehowa niha satulö,+Ba ibeʼe mbörö dalingania ba weʼaora ba wangandrö fanolo.+
פ [Pe]
16 Hizaʼi, lö omasi Yehowa niha samalua si lö sökhi,Ba iheta döira ba gulidanö irege lö itörö tödö niha.+
צ [Tsade]
17 Muʼao niha satulö ba ifondrondrongo Yehowa;+Iʼefaʼö ira moroi ba gabula dödöra.+
ק [Qof]
18 Ahatö Yehowa ba niha sarasa tödö;+Iʼefaʼö niha si no ide-ide tödö.*+
ר [Res]
19 Oya gabula dödö* niha satulö,+Hizaʼi iʼefaʼö ia Yehowa moroi ba daʼö fefu.+
ש [Syin]
20 Ilumöʼö fefu döla niha daʼö;Sara lö safatö dölania.+
ת [Taw]
21 Mate dania niha si lö sökhi ba wamakao;Niha si fatiu tödö ba niha satulö, hasambalö göna ia fanguhuku.
22 Yehowa zangöhöli* noso genoninia;Dozi niha solumöʼö yaʼira khönia ba lö tesöndra zalara.+
Nisura ba gahe zura
^ Sin.: ”Lö iböhöli bawagu”.
^ Mazui ”Ifazökhi nosenia malaʼika”.
^ Mazui ”niha niʼamoniʼö khönia”.
^ Mazui ”safatö tödö”.
^ Mazui ”wamakao”.
^ Mazui ”zangorifi”.
