Sinunö 38:1-22
Sinunö Dawido, si tobali famasugi ba dödö.*
38 He Yehowa, böi tegu ndraʼo ba wönumö;Böi amenesi ndraʼo ba waʼabao dödöu.+
2 No tetaru ba nösigu nono wana andrö khöu,Ba no ihöndrögö ndraʼo tangamö.+
3 Afökhö nösigu fefu* börö wönumö.
Lö hadöi khögu faʼahono dödö* börö horögu.+
4 Italuʼi högögu waʼebua golalöwagu,+Simane faʼabua noro si tebai uʼohe.
5 Ahori monana zokhogu ba aböu oboulaBörö waʼabodogu.
6 Alangu dödögu ba tefakao ndraʼo;Ero maʼökhö mofanö-fanö ndraʼo ba waʼabu dödö.
7 So zi hulö galitö si manga botogu;*Fefu mbotogu oi afökhö.+
8 Matonga mate ndraʼo ba sindruhu-ndruhu arasa dölagu;Moʼira ndraʼo ba wangarö-ngarögu.
9 He Yehowa, aboto ba dödöu fefu zomasi ndraʼo,Ba lö tobini khöu wangarö-ngarögu.
10 Manutu-nutu dödögu, ahori waʼabölögu,Ba alö waʼatara hörögu.+
11 Laröi ndraʼo ira awögu hegöi si fahuwu khögu börö wökhögu,Ba ifandröndröu ia si faʼila khögu.
12 Lafazökhi dandrawa ira niha sedöna mamunu yaʼo;Lafadunö-dunö waʼatekikogu ira niha sedöna mamaʼala yaʼo;+Ero maʼökhö laʼera-era walimosa.
13 Hizaʼi hulö niha safiso ndraʼo, lö ufondrondrongo daʼö fefu;+Lö uʼila fahuhuo, hulö niha si lö hede.+
14 Hulö niha si tebai mamondrongo ndraʼo,Si lö mangila mohede ba wamuʼa ba hulugu.
15 Yaʼugö nidöna-dönagu Yehowa,+Ba ötema ligu yaʼugö Yehowa Lowalangigu.+
16 Umane, ”Yalölaʼigiʼö ndraʼoMazui laforomaʼö khögu waʼasiliyawa na ahele gahegu.”
17 Arakhagö alabu ndraʼo,Ba lö manö döhö wökhögu.+
18 Ufaduhuʼö zalagu;+Abu dödögu ba horögu.+
19 Hizaʼi, agabölö sibai* zi faʼudu khögu ba molawa ira,*Ba monönö waʼato niha si fatiu tödö khögu ba zi lö börö.
20 Lasulöni zi sökhi nifaluagu faoma si lö sökhi;Laʼuduni ndraʼo börö me uforege wamalua si sökhi.
21 He Yehowa, böi röi ndraʼo.
He Lowalangigu, böi aröuʼö ndraʼugö khögu.+
22 Aliokö wanolo yaʼo,He Yehowa, Sangorifi yaʼo.+
Nisura ba gahe zura
^ Mazui ”fanörö tödö”.
^ Sin.: ”Lö zi lö fökhö ba mbotogu maʼasageu”.
^ Sin.: ”faʼahono dödö ba dölagu”.
^ Mazui ”Afönu löwi-löwigu faʼaukhu sabölö-bölö”.
^ Sin.: ”auri”.
^ Mazui te ”Hizaʼi, ato niha soʼuduni yaʼo lö börö”.
