Sinunö 44:1-26
Khö zondröniaʼö sinunö. Sinunö ngaʼötö Gora.+ Masikili.*
44 He Lowalangi, no irongo tögi dalingama,No lafatunö khöma ira tuama,+Ngawalö nifaluamö ba zilalö,Si no alua ba götöra.
2 Öfofanö ngawalö soi faoma tangamö,+Öfakiko ba öfofanö ira,+Enaʼö toröi ba daʼö ndra tuama.+
3 Larabu soi daʼö tenga börö wöda niʼohera,+Ba möna ira tenga börö waʼabölö daʼiora samösa.+
Hizaʼi börö waʼabölö dangau kambölö, taʼiomö+ awö haga mbawamö,Börö me omuso dödöu khöra.+
4 He Lowalangi, yaʼugö Razogu;+Beʼe* waʼamöna sebua khö Yakobo.
5 Börö waʼabölömö wa tola mafofanö zi faʼudu khöma;+Börö döimö wa tola mahundra-hundra niha si möi manuwö yaʼaga.+
6 Lö ubeʼe balazigu wana sinali khöguBa tebai iʼefaʼö ndraʼo födagu.+
7 Yaʼugö zangefaʼö yaʼaga ba danga zi faʼudu khöma,+Sangailasi niha si fatiu tödö khöma.
8 Ero maʼökhö masuno LowalangiBa maʼandrö saohagölö ba döimö irugi zi lö aetu. (Sela)
9 Hizaʼi, ötimbagö ba öʼailasi ndraʼaga iadaʼa;Lö fao ndraʼugö khö ndra saradaduma.
10 Ötehegö lakalaisi ndraʼaga si faʼudu khöma;+Larabu ndraʼaga niha si fatiu tödö khöma.
11 Ölulu ndraʼaga ba dangara enaʼö lafemanga ono mbiri-biri;Öfazawili ndraʼaga ba gotalua soi misa.+
12 Öfamawa nono mbanuamö ba no ide-ide mböli;+Lö ösöndra hare moroi khönia.*
13 Ötehegö laʼailasi ndraʼaga si falazi omo khöma,Tobali fangoʼaya ba famaʼiki niha si so ba zi fasuima.
14 Öbaliʼö ndraʼaga amaedola* ba gotalua soi misa,+Laʼoʼaya-aya ndraʼaga ba lafalikhö-likhö högöra.
15 Ero maʼökhö urasoi wangoʼaya,Ba no ifasui ndraʼo faʼaila,
16 Urongo moroi khöra wehede fangoʼaya ba fangailasi,Ba so zi faʼudu khöma sedöna molau balö.
17 Daʼa fefu zi göna yaʼaga, hizaʼi lö maʼolifugö ndraʼugö,Ba lö masawö mbuʼusa limö.+
18 Lö maʼerogö ndraʼugö;Lö maholeʼö ndraʼaga moroi ba lalamö.
19 Hizaʼi, tekiko ndraʼaga öbeʼe ba naha nasu gatua;Öhawui ndraʼaga faʼogömi-gömi sabölö-bölö.
20 Na maʼolifugö döi LowalangimaMazui mafazawa dangama ba wangandrö khö lowalangi böʼö,
21 Hadia lö iʼila Lowalangi?
Iʼila nösi dödö niha.+
22 Börö me lö faröi ndraʼaga khöu, ero maʼökhö tefakao waʼaurima;Labaliʼö ndraʼaga biri-biri sedöna lataba.+
23 Faoso yaʼugö Yehowa, hana wa möröʼö manö?+
Faoso! Böi timba ndraʼaga sagötö faʼara.+
24 Hana wa öbiniʼö mbawamö?
Hana wa olifu ndraʼugö wamakao ba fangarö-ngarö si göna khöma?
25 Lahundragö ndraʼaga tou ba gawu-gawu;Lahöndrögö ndraʼaga tou ba danö.+
26 Fazawaʼö ba wanolo yaʼaga!+
Efaʼö* ndraʼaga börö waʼomasimö si lö faröi.+
Nisura ba gahe zura
^ Faigi Geluaha Ngawua Wehede.
^ Sin.: ”Faretakö”.
^ Mazui ”moroi ba mbölira”.
^ Mazui ”tandrösa wangoʼaya”.
^ Sin.: ”Höli”.
