Sinunö 5:1-12
Khö zondröniaʼö sinunö: Khö Nehiloti.* Sinunö Dawido.
5 He Yehowa, fondrondrongo wehedegu;+Yaʼaboto ba dödöu wangarö-ngarögu.
2 Beʼe mbörö dalingau ba weʼaogu,He Razogu ba Lowalangigu, börö me khöu mangandrö ndraʼo.
3 He Yehowa, öfondrondrongo dania wehedegu ba zihulö wongi;+Ufaehagö khöu waʼaombö dödögu+ na sihulö wongi ba ubaloi wanema li.
4 Tenga Lowalangi somasi si lö sökhi ndraʼugö;+Samösa lö niha si lö sökhi si tola fao khöu.+
5 Lö niha si fayawa si tola mozizio fönamö.
Fatuwu ndraʼugö fefu ba niha samalua si lö sökhi;+
6 Öhori dania niha solau faya.+
Fatuwu Yehowa ba niha safaito* ba si falimo.+
7 Hizaʼi, möi ndraʼo ba nomomö+ börö waʼebua waʼomasiu si lö faröi;+Mangalulu ndraʼo ba gamaudu gosalimö niʼamoniʼö* si fao sumange.+
8 He Yehowa, ohedo ba lala satulö andrö khöu börö me no ifasui ndraʼo si faʼudu khögu;Tolo ndraʼo wanörö lalamö enaʼö lö manendredo.+
9 Tebai mufaduhusi tödö wehedera;Ösi dödöra ha si lö sökhi;Hulö lewatö si no teboka mbawara;Lazuno-zuno faoma lelara.*+
10 Hizaʼi, Lowalangi dania zangumaʼö wa fasala ira;Alabu ira ba dandrawa nifazökhira.+
Yatefofanö ira ba waʼoya zala nifaluara,Börö me lalawa ndraʼugö.
11 Ba omuso dödö niha na lalumöʼö ira khöu;+Si lö tebulö waʼomuso dödöra.
Öbaʼagö niha somasi mamaʼala yaʼira,Ba niha sangomasiʼö töimö, latema dania waʼomuso dödö börö ndraʼugö.
12 Öfahowuʼö dania niha satulö, yaʼugö Yehowa;Simane baluse sebua, ölumöʼö niha sangomusoiʼö tödömö.+
Nisura ba gahe zura
^ Faigi Geluaha Ngawua Wehede.
^ Mazui ”niha somasi manuwagö do”.
^ Mazui ”naha niʼamoniʼö”.
^ Mazui ”Laʼogunaʼö lelara salösö”.