Sinunö 54:1-7
-
Fangandrö fanolo na no ifasui si faʼudu
-
”Lowalangi zanolo yaʼo” (4)
-
Khö zondröniaʼö sinunö: Niʼanunöisi si fao fakake zinunö nifosinali. Masikili.* Sinunö Dawido, ba ginötö mangadu niha Zifi khö Zaulo, ”Ibiniʼö ia Dawido ba mbanuama.”+
54 He Lowalangi, efaʼö ndraʼo börö döimö,+Oʼawögö ndraʼo*+ ba waʼabölömö.
2 He Lowalangi, fondrondrongo wangandrögu;+Ameʼegö tödö wehede si otarai mbawagu.
3 Tohare niha baero ba wolawa yaʼo,Ba laʼalui nosogu ira niha si lö sökhi.+
Lö ba dödöra Lowalangi.*+ (Sela)
4 Lowalangi zanolo yaʼo;+Fao Yehowa ba niha sangoʼawögö yaʼo.
5 Ihuku zi faʼudu khögu+ moloʼö faʼalösökhi nifaluara;Börö waʼalöfaröimö, fakiko ira.*+
6 Ubeʼe khöu zumange+ soroi ba dödögu.
Usuno döimö yaʼugö Yehowa, börö me si sökhi daʼö.+
7 Iʼefaʼö ndraʼo moroi ba ngawalö waʼatosasa,+Ba anehe dania ndraʼo waʼakala zi faʼudu khögu.+
Nisura ba gahe zura
^ Faigi Geluaha Ngawua Wehede.
^ Mazui ”gamadöniwagu”.
^ Mazui ”Lö labeʼe fönara Lowalangi”.
^ Sin.: ”duhö mbawara”.