Sinunö 59:1-17
Khö zondröniaʼö sinunö: Teʼodane-dane moloʼö ”Böi Fakiko”. Sinunö Dawido. Mikitama.* Me ifatenge niha Saulo ba wanarogö omo Dawido ba wamunu yaʼia.+
59 He Lowalangigu, efaʼö ndraʼo ba danga zi faʼudu khögu;+Lumöʼö ndraʼo moroi ba niha solawa yaʼo.+
2 Efaʼö ndraʼo moroi ba niha samalua si lö sökhi,Lumöʼö ndraʼo moroi ba niha sowökhi tödö ba ndro.*
3 Latarogö ndraʼo;+Lasuwö ndraʼo ira niha sagabölöHewaʼae lö nilawagu yaʼira ba lö nifaluagu horö,+ yaʼugö Yehowa.
4 Hewaʼae lö ufalua zala, laʼaliokö wamaʼanö yaʼira ba wanuwö yaʼo.
Faoso na muʼao ndraʼo khöu ba faigi nifaluara khögu.
5 Börö me Lowalangi ndraono Gizaraʼeli ndraʼugö Yehowa, Lowalangi samatörö saradadu zorugo.+
Faoso ba wamareso ngawalö soi.
Böi hakhösi tödö niha si lö sökhi si manga mböli.+ (Sela)
6 Ero bongi mangawuli ira;+Mukau-kau ira simane asu+ ba lafasui mbanua.+
7 Fondrondrongo hadia zalua ba mbawara;Hulö wöda mbewera,+Börö me lamane, ”Haniha zamondrongo?”+
8 Hizaʼi öʼigi-igiʼö ira, yaʼugö Yehowa;+Öʼoʼaya fefu soi.+
9 He Lowalangigu, Umbu Waʼabölögu, lö uböhöli wanötöna khöu;+Börö me yaʼugö zi tobali nahia folumöʼö* khögu si lö ametaʼuö.+
10 Itolo dania ndraʼo Lowalangi sangoromaʼö faʼomasi si lö faröi;+Anehe dania ndraʼo ibeʼe na kala zi faʼudu khögu.+
11 Böi bunu ira enaʼö lö olifu soigu nifaluamö.
Fofanö ira ba waʼabölömö, ba yalötatu döröwara öbeʼe;Ekhugö tou ira Yehowa, yaʼugö mbalusema.+
12 Yateʼala ira ba waʼasiliyawara andrö,+Börö horö moroi ba mbawara, ba fehede salua ba mbewera,Börö me fangelifi ba falimosa nitötöira.
13 Hori ira ba wönumö;+Hori ira enaʼö lö yaʼira saʼae;Beʼe khöra waʼaboto ba dödö enaʼö laʼila wa Lowalangi zamatörö Yakobo, irugi wondrege danö.+ (Sela)
14 Yamangawuli ira ba zi bongi;Yamukau-kau ira simane asu ba lafasui mbanua.+
15 Yalaʼanöröi danö wangalui öra;+Böi tehegö abuso ira mazui lasöndra nahia waʼatoröira.
16 Na yaʼo, manunö ndraʼo sanandrösa ba waʼabölömö;+Ero sihulö wongi, udunö-dunö waʼomasimö si lö faröi si fao faʼomuso dödö.
Börö me yaʼugö zi tobali nahia folumöʼö khögu si lö ametaʼuö+Ba nahia woloigu ba ginötö waʼatosasa.+
17 He Lowalangigu, Umbu Waʼabölögu, manunö ndraʼo* ba wanuno yaʼugö,+Börö me yaʼugö zi tobali nahia folumöʼö khögu si lö ametaʼuö, Lowalangi sangoromaʼö faʼomasi si lö faröi.+
Nisura ba gahe zura
^ Faigi Geluaha Ngawua Wehede.
^ Mazui ”niha si lö sökhi”.
^ Mazui ”nahia salawa”.
^ Mazui ”ufoli wakake zinunö”.