Sinunö 65:1-13
Khö zondröniaʼö sinunö. Sinunö Dawido. Sambua sinunö.
65 He Lowalangi, sinangea musuno ndraʼugö ba Ziona;+Hasambalö mabuʼa mbuʼusa lima khöu.+
2 Yaʼugö Zamondrondrongo fangandrö, dozi niha laʼondrasi ndraʼugö.+
3 No ilangögö ndraʼo olalöwagu,+Hizaʼi öʼefaʼö fefu zalama.+
4 Ohahau dödö niha nifilimö ba öfahatö ira khöu,Enaʼö laʼiagö golayama nomomö.+
Hasambalö wa öʼabusoiʼö ndraʼaga ngawalö zi sökhiSi so ba nomomö,+ ba gosalimö.*+
5 Ba gamuatamö satulö ba sahöli-höli dödö,+ öfondrondrongo wangandröma,He Lowalangi Sangorifi yaʼaga;Yaʼugö Nifaduhusi Tödö niha ba zi sagörö ulidanö+Hegöi si so yefo nasi.
6 Ba waʼabölömö, öfasindro* hili-hili irege aro;Sindruhu-ndruhu wa abölö ndraʼugö.*+
7 Öfadöhö* weʼugu-ugu nasi,+Fegoso-goso ndrulu ba faʼakaliru soi.+
8 Sowanua moroi ba nahia saröu, ahöli-höli dödöra ba dandra-tandra nifaluamö sahöli-höli dödö;+Irege owua-wua dödö niha si otarai gatumbukha ofeta ba gaekhula.
9 Önehe-nehegö gulidanö,Fahöna zinanö öbeʼe ba atabö.+
Afönu nungo nidanö öbeʼe faoma idanö;Öhenaigö mbalazo ba niha,+Simane daʼö wamazökhiu ulidanö.
10 Öfoʼidanö gowoto ba öfaloʼo danönia;Owukho öbeʼe faoma idanö deu; öfahowuʼö liwiönia.+
11 No oya öbeʼe howu-howu ba ndröfi daʼa, hulö dakula si sökhi;Fahöna zi sökhi ba lala si no ötörö.*+
12 Itugu atabö ndruʼu ba danö si mate,+Ba afönu faʼowua-wua dödö hili-hili.+
13 Afönu urifö mbenua soduʼu,Ba anönö ndraso ba waʼoya mbua gandru.+
Owua-wua dödöra fefu ba manunö ira.+
Nisura ba gahe zura
^ Mazui ”ba naha niʼamoniʼö khöu”.
^ Sin.: ”ifasindro”.
^ Sin.: ”ia”.
^ Sin.: ”Ifadöhö”.
^ Sin.: ”Mowöi dawö ba lalamö”.
