Sinunö 90:1-17
Fangandrö Moze, enoni Lowalangi sindruhu.+
90 He Yehowa, yaʼugö zawatöma*+ götö-götö waʼara.
2 Fatua lö si tumbu hili,Fatua lö öwöwöi gulidanö ba tanö satabö sinanö,*+Yaʼugö Lowalangi götö-götö waʼara.*+
3 Öfuli öbaliʼö gawu-gawu niha;Ömane, ”Yaʼami ono niha, mifuli ami ba gawu-gawu.”+
4 Hulö menewi zi saribu fakhe ba wamaigiu,+Amaedola zi sakali inötö wanaro ba zi bongi.*
5 Öhori ira;+ taya ira simane fangifi;Amaedola ndruʼu soliwiö ira ba zihulö wongi.+
6 Tumbu ndruʼu daʼö ba mobowo ba zihulö wongi,Hizaʼi aleu ba oköli ia na tanö owi.+
7 Fönumö andrö zi manga yaʼaga+Ba ataʼuga börö wönumö.
8 No öbeʼe tanö fönau golalöwama;*+No oroma zi tobini andrö nifaluama börö haga mbawamö.+
9 Ahori ngaluoma* börö wönumö;Ba numalö ndröfima simane tea-tea mbewe.*
10 Faʼanau nosoma andrö 70 fakhe,Ba na abölö, 80 fakhe.+
Hizaʼi, afönu abula dödö waʼaurima;Alio sibai numalö daʼö ba lö yaʼaga saʼae.+
11 Haniha zi tola manuʼa faʼabölö wönumö?
Ebua sibai wönumö andrö, simanö göi wangataʼufi sinangea mubeʼe khöu.+
12 Fahaʼö ndraʼaga ba wangerai ngaluoma+Enaʼö maʼokhögö dödö satua-tua.
13 He Yehowa, fuliʼö khöma!+ Hawaʼara tö nasa?+
Hakhösi tödö genonimö.+
14 Abusoiʼö ndraʼaga faʼomasimö si lö faröi+ ba zihulö wongi,Enaʼö owua-wua dödöma ba omuso dödöma+ sandrohu faʼaurima.
15 Tehegö khöma worasoi faʼomuso dödö simane faʼara me ölulu ndraʼaga ba wangarö-ngarö,+Simane faʼara me mataögö wamakao.+
16 Yalaʼila ira enoniu halöwö nifaluamö,Ba yaʼanehe ndraonora lakhömiu.+
17 He Yehowa Lowalangima, yaʼomuso dödöu khöma;Yamofozu öbeʼe halöwö dangama.
Atulö, yamofozu halöwö dangama.+
Nisura ba gahe zura
^ Mazui te ”nahia wolumöʼö khöma”.
^ Mazui ”Öʼadonogö gulidanö hegöi tanö satabö sinanö simane faʼafökhö nirasoi ndra alawe soʼono”.
^ Mazui ”irugi zi lö aetu”.
^ Sakali inötö wanaro, te mato öfa za.
^ Mazui ”Öʼila fefu zala nifaluama”.
^ Mazui ”Taya waʼaurima”.
^ Mazui ”sakali famahasu”.