Sinunö 96:1-13
96 Miʼanunöisi zinunö si bohou khö Yehowa.+
Miʼanunö khö Yehowa yaʼami si sagörö ulidanö!+
2 Miʼanunö khö Yehowa, misuno döinia.
Ero maʼökhö miʼombakhaʼö duria somuso dödö sanandrösa ba wangorifi nifaluania.+
3 Mitutunö lakhöminia ba gotalua soi,Nifaluania sahöli-höli dödö ba soi niha maʼafefu.+
4 Molakhömi Yehowa andrö ba sinangea itema fefu wanuno.
Abölö ia moroi ba lowalangi tanö böʼö.
5 Si lö eluaha lowalangi nifosumange ngawalö soi,+Ba Yehowa andrö Lowalangi samazökhi banua si yawa.+
6 So fönania lakhömi ba faʼebua;+Ba nahania niʼamoniʼö so waʼabölö ba faʼasökhi.+
7 Misuno Yehowa yaʼami fefu songambatö ba gulidanö,Misuno Yehowa börö lakhömi ba faʼabölönia.+
8 Mifolakhömi Yehowa börö döinia;+Miʼohe mbuala ba miʼaeʼe ba golayama nomonia.
9 Miʼangalulu khö* Yehowa ba mifake nukha niʼamoniʼö;*Miʼanizi fönania yaʼami si sagörö ulidanö!
10 Mituriaigö ba soi fefu, ”No tobali Razo Yehowa!+
No iʼaroʼö wamazökhi ulidanö,* tebai mufadögö.
Iʼetuʼö wanguhuku ba niha si fao faʼatulö.”+
11 Yaʼomuso dödö mbanua si yawa awö gulidanö;Yamogoso-goso nasi awö nösinia maʼafefu;+
12 Yaʼomuso dödö mbenua awö zi so ba daʼö.+
Simanö göi ngawalö geu si so ba gatua, yaʼomuso dödöra+
13 Föna Yehowa, börö me tohare ia,Tohare ia ba wanguhuku ulidanö.
Ihuku zowanua ba danö si fao faʼatulö+Ba iforomaʼö waʼalöfaröinia ba wanguhuku fefu soi.+
Nisura ba gahe zura
^ Mazui ”Mifosumange”.
^ Mazui te ”börö me sökhi sibai wangamoniʼönia yaʼia”.
^ Mazui ”tanö satabö”.