Sinunö 99:1-9
99 No tobali Razo Yehowa.+ Yamanizi-nizi fefu soi.
Modadao ia yawa* ndra kerubi.+ Yamodögö gulidanö.
2 Molakhömi Yehowa andrö ba Ziona,Ba alawa ia moroi ba ngawalö soi fefu.+
3 Yalasuno döimö fondrege zalawa andrö,+Börö me sahöli-höli dödö döimö ba niʼamoniʼö.
4 Razo sabölö ia ba sangomasiʼö faʼatulö.+
Aro waʼadölö andrö si no öhonogöi.
Öfasindro waʼatulö ba faʼaduhu+ khö Yakobo.
5 Miʼalawaʼö Yehowa Lowalangida ba miʼangalulu*+ ba dane-dane gahenia;+Yaʼia andrö niʼamoniʼö.+
6 Ere khönia Moze hegöi Aʼaroni,+Ba samösa Zamueli soʼangaröfili töinia.+
Laʼangaröfili Yehowa,Ba itema lira.+
7 Fahuhuo ia khöra moroi ba döla lawuo.+
Lafalua wamasugi ba dödö hegöi amakhoita nibeʼenia khöra.+
8 He Yehowa Lowalangima, no ötema lira.+
Yaʼugö Lowalangi sangefaʼö olalöwara,+Hizaʼi, öhuku ira* börö horöra.+
9 Miʼalawaʼö Yehowa Lowalangida+Ba miʼangalulu* föna hilinia niʼamoniʼö,+Börö me niʼamoniʼö Yehowa Lowalangida andrö.+
Nisura ba gahe zura
^ Mazui te ”ba gotalua”.
^ Mazui ”mifosumange ia”.
^ Sin.: ”ösulöni nifaluara”.
^ Mazui ”mifosumange ia”.