Amaedola 10:1-32
10 Amaedola Zelomo.+
Ono satua-tua möi fangomuso dödö namania,+Hizaʼi ono si bodo möi fangabu dödö ninania.
2 Lö eluaha harato nisöndra ba zi lö atulö,Hizaʼi amuata satulö möi fangorifi niha moroi ba waʼamate.+
3 Lö itehegö Yehowa olofo niha satulö tödö,+Hizaʼi lö mofozu ibeʼe gohitö dödö niha si lö sökhi.
4 Numana dania niha sareu tanga,+Hizaʼi tanga niha sowölö-ölö isöndra waʼakayo.+
5 Ono si so faʼaboto ba dödö iʼowuloi mbasitö ba mbaŵa lökhö,Hizaʼi ono si möi börö wangaila, iduhugö wemörö na baŵa wamasi.+
6 Isöndra howu-howu niha satulö,+Hizaʼi bawa niha si lö atulö ibiniʼö zi lö sökhi.
7 Töi* niha satulö tobali solohe howu-howu,+Hizaʼi si taya döi niha si lö sökhi.+
8 Niha si so faʼaboto ba dödö ifondrondrongo wanuturu lala,*+Hizaʼi nihundra-hundra dania niha si fahuhuo ba waʼabodo.+
9 Lö hadöi ametaʼuö ba lala niha si lö sinegu,*+Hizaʼi oroma dania niha sanörö lala sabila.+
10 Niha si falimo iʼasogö waʼabu dödö,*+Ba nihundra-hundra dania niha si fahuhuo ba waʼabodo.+
11 Bawa niha satulö ba no umbu waʼauri,+Hizaʼi bawa niha si lö atulö ibiniʼö zi lö sökhi.+
12 Lua-lua waʼafökhö dödö tobali faʼudusa,Hizaʼi niha si so faʼomasi ibologö dödönia.*+
13 So waʼatua-tua ba mbewe niha si so faʼaboto ba dödö,+Hizaʼi tohare mbözi-bözi ba hulu niha si lö tödö.+
14 Satua-tua iʼiröʼö* waʼaboto ba dödö,+Hizaʼi bawa niha si bodo iʼasogö waʼatekiko.+
15 Harato* niha si kayo hulö mbanua nifoʼöli ba wamaiginia.
Faʼanumana niha si tosasa ba no tobali famakikonia.+
16 Lua-lua halöwö niha satulö tobali fangorifi;Hizaʼi, nifalua niha si lö sökhi tobali horö.+
17 Niha sanemaʼö fotu tobali sanuturu* lala saekhu ba waʼauri,Hizaʼi niha sanimbagö tegu-tegu tobali famaelungu niha böʼö.
18 Niha saminiʼö fatiusa, iwaʼö waya,+Ba samaʼema fangobousi* andrö niha si bodo.
19 Ba zoya li hasambalö so golalöwa,+Hizaʼi niha sanaha bewenia ba no satua-tua.+
20 Lela niha satulö hulö wirö sabölö sökhi,+Hizaʼi tödö niha si lö sökhi arakhagö lö bölinia.
21 Fehede niha satulö tobali fangohahau dödö* niha sato,+Hizaʼi mate niha si bodo ba waʼambö tödönia.+
22 Howu-howu Yehowa zameʼe faʼakayo ba niha,+Ba maʼifu lö ifaogö wangabu dödö.*
23 Ba niha si bodo, hulö mai-mai gamuata si lö faʼaila andrö,Hizaʼi moguna waʼaboto ba dödö ba niha satua-tua.+
24 Hadia niʼataʼufi niha si lö sökhi, ba hasambalö alua khönia dania;Hizaʼi nidöna-döna niha satulö tödö, hasambalö tebeʼe khönia.+
25 Na itörö angi sabölö-bölö, ba lö hadöi saʼae niha si lö sökhi,+Hizaʼi niha satulö tödö hulö fondrasi si lö tebulö irugi zi lö aetu.+
26 Amaedola cuka ba nifö, ba simbo ba hörö,Simane daʼö niha sareu föna zokhö yaʼia.*
27 Fangataʼufi Yehowa möi fanganau noso,+Hizaʼi lö anau noso niha si lö sökhi.+
28 Fanötöna* niha satulö tobali faʼomuso dödö,+Hizaʼi taya wanötöna niha si lö sökhi.+
29 Lala Yehowa andrö möi folumöʼö ba niha si lö sinegu,+Hizaʼi faʼatekiko ba niha si lö sökhi.+
30 Lö irai mangiwa niha satulö tödö,+Hizaʼi, lö monahia niha si lö sökhi ba gulidanö.+
31 Lua-lua mbawa zatulö tödö, ba faʼatua-tua,Hizaʼi, mutaba dania lela si tefuyu.
32 Bewe niha satulö tödö, iʼila hadia zi möi fangomuso dödö,Hizaʼi bewe niha si lö sökhi, ifaelungu nawönia.
Nisura ba gahe zura
^ Mazui ”Si no irai ifalua”.
^ Sin.: ”fareta”.
^ Mazui ”niha si lö faröi”.
^ Mazui ”Niha samamöʼi hörönia ba waʼonekhe”.
^ Mazui ”Hizaʼi, oya ibalugö golalöwa faʼomasi andrö”.
^ Mazui ”iʼameʼegö tödö”.
^ Mazui ”Gama-gama sebua böli ba”.
^ Mazui te ”so ia ba”.
^ Mazui ”Niha samato-matou awönia”.
^ Mazui ”fanuturu lala ba”.
^ Mazui ”waʼafökhö”.
^ Mazui ”föna niha sangoni yaʼia”.
^ Mazui ”Nibalo-baloi”.
