Amaedola 11:1-31
11 Faliʼera* si lö atulö* ba no sogoro Yehowa,Hizaʼi fanuʼa* satulö möi fangomuso dödönia.+
2 Na so wayawasa, itete ia fangoʼaya,+Hizaʼi so waʼatua-tua ba niha sangide-ngideʼö.+
3 Faʼalöfaröi niha sadölö tödö andrö zanuturu lalania,+Hizaʼi tekiko dania zi manga mböli ba waʼonekhenia.+
4 Lö eluaha harato* na baŵa wönu,+Hizaʼi amuata satulö, möi fangorifi niha moroi ba waʼamate.+
5 Amuata niha si lö sinegu zangadölöʼö lalania,Hizaʼi alabu dania niha si lö sökhi ba waʼalösökhinia.+
6 Amuata satulö nifalua niha sadölö tödö, daʼö zangorifi yaʼia,+Hizaʼi tofesu dania niha si manga mböli ba gisö-isö dödöra.+
7 Na mate niha si lö sökhi, ba lö hadöi fanötönania;Taya waʼabölö niʼodaligönia simanö göi nidöna-dönania.+
8 Teʼefaʼö niha satulö moroi ba waʼatosasa,Ba möi fangalinia niha si lö sökhi.+
9 Bawa niha sondröi sindruhu ifakiko nawönia,Hizaʼi teʼorifi niha satulö tödö börö waʼaboto ba dödönia.+
10 Faʼasökhi dödö niha satulö tobali fangomuso dödö niha sato,Ba so waʼowua-wua dödö na tehori niha si lö sökhi.+
11 Na tefahowuʼö niha sadölö tödö, ba teʼalawaʼö zi sambua banua,*+Hizaʼi idudugö daʼö bawa niha si lö sökhi.+
12 Niha si lö tödö iʼailasi nawönia,Hizaʼi niha sebua faʼatua-tua lö hede-hedenia.+
13 Ifangörö-ngörö ia samöbögö si lö duhu ba wangombakha si tobini,+Hizaʼi niha si tola mufaduhusi tödö lö iʼombakhaʼö zi tobini.*
14 Na lö hadöi fanuturu lala si sökhi, adudu mbanua,Hizaʼi na ato zanuturu lala, ba mofozu gohitö dödö.*+
15 Hasambalö teʼala niha si möi ba wali ba niha si lö irai iʼila,+Hizaʼi lö irai teʼala niha si lö omasi fawuʼu li khönia.*
16 Ira alawe si sökhi tödö itema lakhömi,+Hizaʼi ira matua si lö sökhi irabu waʼakayo.
17 Ira matua si sökhi tödö,* isöndra zohare ia,+Hizaʼi niha safaito ifakao* ia samösa.+
18 Niha si lö sökhi itema luo si tobali zaya-zaya gölö,+Hizaʼi niha sanaru faʼatulö itema luo sindruhu.+
19 Lua-lua niha saro ba zindruhu yaʼia daʼö faʼauri,+Hizaʼi niha solohi faʼalösökhi, lua-luania faʼamate.
20 Ogoro Yehowa niha si tefuyu tödö,+Hizaʼi omuso dödönia ba niha si lö sinegu.+
21 Yafaduhu dödöu, hasambalö tehuku niha si lö sökhi,+Hizaʼi teʼorifi ngaʼötö niha satulö tödö.
22 Simane ati-ati anaʼa ba nikhu mbawi,Simane daʼö ndra alawe si sökhi bawa si lö tödö.
23 Sökhi lua-lua zomasi dödö niha satulö,+Hizaʼi fanötöna niha si lö sökhi, lua-luania fofönu.
24 So niha soböwö ba oya isöndra,+So zangatalisi sinangea ibeʼe, hizaʼi aekhu ia ba waʼanumana.+
25 Teʼabusoiʼö* dania niha soböwö,+Ba teʼokafui dödö niha sangokafui tödö* niha böʼö.+
26 Niʼelifi niha sanaha tanömö zinanö,Hizaʼi tefahowuʼö niha samawa tanömö andrö.
27 Niha somasi mamalua si sökhi, laʼomasiʼö ia niha böʼö,+Hizaʼi niha somasi mamalua si lö sökhi, hasambalö göna ia ngawalö zi lö sökhi.+
28 Hasambalö alabu dania niha si faduhu tödö ba waʼakayonia,+Hizaʼi niha satulö tödö hulö mbulu geu satabö.+
29 Niha solohe abula dödö* ba nösi nomonia, lö hadöi ondröita nitemania,*+Ba tobali sawuyu niha satua-tua zi bodo.
30 Hulö geu fangorifi gamuata niha satulö,+Ba niha samarou awönia wamalua si sökhi,* lafotöi ia niha satua-tua.+
31 Na itema luonia niha satulö tödö ba gulidanö,Hasambalö göi latema zulö ira niha si lö sökhi ba samalua horö.+
Nisura ba gahe zura
^ Mazui ”kara wanuʼa”.
^ Mazui ”Kilo”.
^ Mazui ”si falimo”.
^ Mazui ”gama-gama sebua böli”.
^ Mazui ”Na ifahowuʼö zi sambua banua niha sadölö tödö, ba teʼalawaʼö mbanua daʼö”.
^ Sin.: ”ibiniʼö gabula dödö”.
^ Mazui ”tesöndra wangorifi”.
^ Sin.: ”si fatuwu ba wotabe yaʼia”.
^ Mazui ”sangokhögö faʼomasi si lö faröi”.
^ Mazui ”iʼailasi”.
^ Sin.: ”niha si lö mangatalisi wameʼe idanö ba”.
^ Sin.: ”Esolo”.
^ Mazui ”sangaʼasogö fangaila”.
^ Sin.: ”angi gondröita nitemania”.
^ Sin.: ”niha sangai tödö”.
