Amaedola 13:1-25
13 Ono satua-tua itemaʼö wotu namania,+Hizaʼi niha sangoʼaya lö ifondrondrongo degu-tegu.*+
2 Irasoi zi sökhi si samösa niha börö mbua-bua mbewenia,+Hizaʼi si manga mböli ha faʼalösökhi zomasi ia.
3 Niha sanaha bawania* ilumöʼö nosonia,+Hizaʼi niha si lö manaha bawania, falukha ia waʼatekiko.+
4 Oya gisö-isö dödö niha sareu, hizaʼi lö boto,+Ba fahöna dania waʼomuso dödö niha sowölö-ölö.+
5 Fatuwu niha satulö tödö ba walimosa,+Hizaʼi amuata niha si lö sökhi zangaʼasogö faʼaila ba fangoʼaya.
6 Sindruhu andrö zolumöʼö faʼauri niha sadölö tödö,+Hizaʼi faʼalösökhi zangekhugö niha sebua horö.
7 So niha sodunö-dunö faʼakayonia, hizaʼi lö hadöi niʼokhögönia;+So göi niha si numana ba wangumaʼönia, hizaʼi oya sibai haratonia.
8 Ihöli nosonia niha si kayo faoma haratonia,+Hizaʼi lö sametaʼu* niha si numana.+
9 Tara sibai haga niha satulö,+Hizaʼi labunu dania wandru niha si lö sökhi.+
10 Fayawasa andrö iʼasogö waʼudusa,+Hizaʼi iʼokhögö waʼatua-tua niha sangandrö mene-mene.*+
11 Sabata alö harato nisöndra ba waʼalio,*+Hizaʼi harato nizara-zara fangowuloi ba monönö-nönö manö.
12 Fanötöna si no tetaha* ba möi fangafökhö dödö,+Hizaʼi ohitö dödö si no alua amaedola wangorifi.+
13 Gofu haniha zi lö moʼameʼegö tödö fanuturu lala* ba itaögö lua-luania,+Hizaʼi niha sangataʼufi oroisa itema howu-howu.+
14 Famahaʼö* niha satua-tua hulö gumbu waʼauri,+Samandröndröu niha moroi ba dandrawa waʼamate.
15 Niha sebua faʼaboto ba dödö ba laʼomasiʼö ia niha sato,Hizaʼi lö sökhi lala niha si manga mböli.
16 Niha satua-tua iʼodaligö waʼaboto ba dödö na so nifaluania,+Hizaʼi iforomaʼö waʼabodonia niha si bodo.+
17 Tenge-tenge si lö sökhi iʼasogö gabula dödö,+Hizaʼi tenge-tenge si lö faröi ifaʼema wangorifi.+
18 Numana dania zangositengagö fotu ba teʼailasi,Hizaʼi tefolakhömi dania niha sanemaʼö tegu-tegu.*+
19 Tobali fangomuso dödö gohitö dödö si no alua,+Hizaʼi lö ifandröndröu ia niha si bodo ba zi lö sökhi.+
20 Niha si fao ba zatua-tua, ba atua-tua ia göi dania,+Hizaʼi niha si faʼawö ba niha si bodo, ba falukha ia wamunu.+
21 Igohi-gohi niha sebua horö faʼatosasa,+Hizaʼi faʼakayo zameʼe luo ba niha satulö tödö.+
22 Niha si sökhi iröi gondröita khö ndra maʼuwunia,Hizaʼi muʼiröʼö harato niha sebua horö soguna ba niha satulö tödö.+
23 Oya mbua nowi niha si numana ba danö si no lafaku,Hizaʼi tola taya daʼö* börö me lö hadöi faʼatulö.
24 Niha sanaha bözi-bözi* fatuwu ia khö nononia,+Hizaʼi niha sangomasiʼö ononia hasambalö* ibeʼe wotu.+
25 Manga niha satulö tödö irege abuso,+Hizaʼi olofo dania dalu niha si lö sökhi.+
Nisura ba gahe zura
^ Mazui ”mene-mene”.
^ Mazui ”fehedenia”.
^ Sin.: ”lö irongo gametaʼuö”.
^ Mazui ”niha sangosara”.
^ Mazui ”harato si otarai zaya-zaya gölö”.
^ Mazui ”Na lö aʼozu nibalo-baloi”.
^ Mazui ”taromali”.
^ Mazui ”Oroisa”.
^ Mazui ”mene-mene”.
^ Mazui ”ia”.
^ Mazui ”fotu; ue”.
^ Mazui te ”iʼanemaiʼö”.