Amaedola 16:1-33
16 Ifakhoi-khoi tödönia niha,Hizaʼi moroi khö Yehowa wanema li nibeʼenia.*+
2 Fefu lala zi samösa niha oi atulö* ba wamaiginia,+Hizaʼi Yehowa zamareso ohitö dödö.*+
3 Beʼe balazi* Yehowa ngawalö nifaluamö,+Ba aʼozu dania gohitö dödöu.
4 Yehowa zamazökhi fefu hadia ia börö gohitö dödönia,Simanö göi ba wangohori niha si lö sökhi ba ngaluo wanudugö.+
5 Ogoro Yehowa dozi niha sangokhögö tödö faʼasiliyawa.+
Yafaduhu dödöu wa tehuku niha daʼö.
6 Teʼefaʼö zala börö waʼomasi si lö faröi hegöi faʼaduhu,*+Ba börö wangataʼufi Yehowa andrö wa iʼaröuʼö ia niha ba zi lö sökhi.+
7 Na omuso dödö Yehowa ba lala zi samösa niha,Iʼatulöʼö dozi si faʼudu ba niha daʼö.+
8 Abölö sökhi zinöndra side-ide si lö falimosa+Moroi ba zinöndra sebua si fao falimosa.+
9 Tola ifakhoi-khoi lalania niha bakha ba dödönia,Hizaʼi Yehowa zamatörö bekania.+
10 Angetula moroi khö Lowalangi* enaʼö daʼö zi so ba mbewe razo;+Tebai ifuyuʼö zatulö.+
11 Moroi khö Yehowa wanuʼa hegöi faliʼera* satulö;Yaʼia zamazökhi fefu gara wanuʼa ba mbola-bola.+
12 Ogoro ndra razo gamuata si lö sökhi,+Börö me sindruhu andrö zangaʼaroʼö dadaomara.+
13 Fehede satulö möi fangomuso dödö ndra razo.
Omasi ira niha si lö falimo.+
14 Fönu razo hulö tenge-tenge waʼamate,+Hizaʼi tola ifadöhö* wönunia andrö niha satua-tua.+
15 Na omasi razo ba zi samösa niha, ohahau dödö niha daʼö ba waʼaurinia;Faʼomasinia hulö deu lawuo ba mbaŵa woliwiö.+
16 Abölö sökhi wanöndra faʼatua-tua moroi ba ganaʼa!+
Abölö sökhi wangokhögö faʼaboto ba dödö moroi ba wirö.+
17 Lala waʼauri niha sadölö tödö iʼaröuʼö ia ba zi lö sökhi.
Niha sondrorogö lalania ilumöʼö nosonia.+
18 Lua-lua waʼasiliyawa ba faʼatekiko,Ba lua-lua wayawasa ba faʼateʼala.+
19 Abölö sökhi wangide-ngideʼö ba gotalua niha si lö fayawasa+Moroi na tatema dana khöda ba nirabu niha sasiliyawa.
20 Mofozu* niha sangoromaʼö faʼaboto ba dödö na alua gabula dödö,Ba yaʼahowu niha si faduhu tödö khö Yehowa.
21 Niha satua-tua tehöngö ia börö waʼaboto ba dödö niʼokhögönia+Ba niha sangumaʼö fehede si sökhi tola faduhu dödö niha khönia.+
22 Hulö gumbu nidanö fangorifi waʼaboto ba dödö andrö ba zangokhögö yaʼia,Hizaʼi niha si bodo itegu ia faʼabodonia samösa.
23 Tödö niha satua-tua fahuhuo ia si fao faʼaboto ba dödö,+Ba abölö faduhu dödö niha ba wehedenia.
24 Fehede omasiö andrö hulö wewani sowöi,Ami sibai ba möi fangabölö mboto.*+
25 So lala satulö ba wamaigi niha,Hizaʼi lua-luania aekhu ba waʼamate.+
26 Börö waʼolofo andrö wa iforege wohalöwö si samösa niha;Faʼolofonia* zamangaösö yaʼia ba wohalöwö.+
27 Niha si lö ngaroro iʼalu-alui zi lö sökhi;+Fehedenia hulö hola-hola galitö.+
28 Samobörö fangala* iʼasogö waʼudusa,+Ba samöbögö si lö duhu khö nawönia iʼetuʼö wahuwusa.+
29 Niha safaito idönisi dödö nawöniaBa iʼohe ia ba lala selungu.
30 Iʼera-era zi lö sökhi ba ifamöʼi hörönia.
Ifalua gohitö dödönia si lö sökhi ba no iboho-boho mbawa.
31 Hulö dakula si sökhi* mbu safusi andrö+Na ba lala satulö tesöndra ia.+
32 Niha si lö alio mofönu+ abölö sökhi ia moroi khö ndra matua sabölö,Ba niha sanaha fönunia abölö ia moroi ba niha si tola mokalaisi si sambua banua.+
33 Mufazaumba dahö-dahö,*+Hizaʼi moroi khö Yehowa fefu gangetula.+
Nisura ba gahe zura
^ Mazui ”wanema li satulö”.
^ Sin.: ”ohau-hau”.
^ Mazui ”ösi dödö”.
^ Sin.: ”Touʼö khö”.
^ Mazui ”faʼalöfaröi”.
^ Mazui ”niʼehehaini”.
^ Mazui ”kilo”.
^ Mazui ”itimbagö”.
^ Sin.: ”Itema mbua si sökhi”.
^ Sin.: ”möi famadöhö döla”.
^ Sin.: ”Bawania”.
^ Mazui ”Soʼera-era si lö sökhi”.
^ Mazui ”solakhömi”.
^ Sin.: ”Mufazaumba dahö-dahö ba gaheta”, yaʼia daʼö baru sombalugö ahe na modadao zi samösa niha.
