Amaedola 19:1-29
19 Abölö sökhi numana ba lö faröi+Moroi ba niha si bodo ba falimo-limo manö.+
2 Lö sökhi ba zi samösa niha na lö faʼaboto ba dödö,+Ba niha si lö fangenanö* ifalua horö.
3 Faʼabodo zi samösa niha zamaelungu lalania,Ba mofönu ia khö Yehowa.
4 Ato nawö niha si kayo,Hizaʼi, si numana ba laröi ia si fahuwu khönia.+
5 Hasambalö göna fanguhuku zamaduhuʼö faya,+Ba tebai aefa niha sasese falimo.+
6 Ato zomasi mangai tödö ndra tuhenöri,*Ba fahuwu fefu niha ba zomasi mamuala.
7 Niha si numana ba laʼuduni ia ira talifusönia;+Ba laröi ia ira awönia.+
Möi iʼalui ira ba wangandrö fanolo, hizaʼi samösa lö soʼameʼegö tödö.
8 Niha si so fangera-ngera si sökhi ba iʼomasiʼö mbotonia.+
Niha soʼameʼegö tödö faʼatua-tua ba mofozu.*+
9 Hasambalö göna fanguhuku zamaduhuʼö faya,Ba tehori dania niha sasese falimo.+
10 Lö moadu na kayo niha si bodo,Mendrua manö na mamatörö zawuyu khö ndra samatörö.+
11 Faʼaboto ba dödö wa lö alio mofönu zi samösa niha,+Ba lasuno ia na iʼefaʼö golalöwa.*+
12 Fönu razo hulö weʼao zingo,+Hizaʼi, faʼomasinia hulö namo mbanua ba zinanö.
13 Ono si bodo ba tobali famawuka dödö namania,+Ba foʼomo ira alawe si fasoso-soso manö* hulö zagö satöla nitörö dawa deu.+
14 Omo hegöi faʼakayo daʼö gondröita zi samösa ama,Hizaʼi moroi khö Yehowa woʼomo ira alawe satua-tua.+
15 Faʼareu andrö abölö-bölö ibeʼe wemörö,Ba olofo dania niha sareu.+
16 Niha samalua oroisa irorogö nosonia;+Ba mate dania niha si lö moʼameʼegö tödö lalania.+
17 Sohakhösi tödö niha si numana ba khö Yehowa ibeʼe nifalali,+Ba yaʼia zanulöni si sökhi nifalua* niha daʼö.+
18 Fahaʼö ndraonou fatua so nasa wanötöna.+
Faböi dania tezofu-zofu khöu* waʼamatenia.+
19 Niha sofönu-fönu manö ba itaögö lua-luania;Na öforege wanolo yaʼia ba moguna asese öfalua daʼö.+
20 Fondrondrongo mene-mene ba tema wamahaʼö,*+Enaʼö atua-tua dania ndraʼugö.+
21 Oya ngawalö niʼera-era dödö niha,Hizaʼi niʼera-era* Yehowa zalua.+
22 Börö waʼomasi si lö faröi wa adöni dödö zi samösa niha;+Abölö sökhi numana moroi na tobali si falimo.
23 Fangataʼufi Yehowa zolohe ba waʼauri;+Niha sangokhögö daʼö dania zolombase si fao faʼahono dödö ba lö falukha ia gametaʼuö.+
24 Niha sareu ibeʼe dangania bakha ba naha gö,Hizaʼi, lö omasi ia ifolakhö mbawania.+
25 Bözi niha somasi mangoʼaya+ enaʼö iʼila daʼö niha sambö faʼatua-tua ba ifahaʼö ia,+Ba tegu niha si so faʼaboto ba dödö enaʼö monönö waʼatua-tuania.+
26 Ono samakao amania ba samofanö inaniaDaʼö nono si möi fangaila ba solohe fangobousi.+
27 He onogu, na lö saʼae omasiʼö öfondrondrongo wamahaʼö,*Ba elungu ndraʼugö moroi ba lala waʼatua-tua.
28 Samaduhuʼö si lö guna ba iʼoʼaya waʼatulö,+Bawa niha si lö sökhi ba itölö zi lö sökhi.+
29 No tehenaigö wanguhuku khö ndra sangoʼaya,+Hegöi bözi-bözi ba hulu niha si bodo.+
Nisura ba gahe zura
^ Sin.: ”niha saösö-aösö ba wofanö”.
^ Mazui ”mangai tödö niha soböwö”.
^ Sin.: ”isöndra zi sökhi”.
^ Mazui ”zala”.
^ Mazui ”somasi mamaoʼe”.
^ Mazui ”yaʼia zameʼe luo ba”.
^ Mazui ”Ba böi tötöna”.
^ Mazui ”wotu”.
^ Mazui ”ohitö dödö”.
^ Mazui ”wotu”.
