Amaedola 20:1-30
20 No sangoʼaya nagu andrö,+ ba lö fanaha wamadu tuo;+Lö isöndra waʼatua-tua niha si no elungu ibeʼe.+
2 Fametaʼu moroi khö razo hulö weʼao zingo;+Haniha zangandrö fönunia ba tobali famaʼala nosonia.+
3 Niha sangaröuʼö yaʼia ba wasosota ba nifosumange,+Hizaʼi, niha si bodo ilau ia bakha.+
4 Niha sareu lö ifaku lazania ba mbaŵa deu,Mangandrö-ngandrö faʼahakhö dödö ia sagötö mbaŵa wamasi börö me lö khönia.*+
5 Amaedola nidanö sabakha dödö niha,*Niha si so faʼaboto ba dödö zi tola mangai yaʼia.
6 Ato niha zamaduhuʼö wa no laʼokhögö waʼomasi si lö faröi,Hizaʼi, abua wanöndra niha si lö faröi.
7 Lö faröi niha satulö.+
Ohahau dödö ndraononia* furinia.+
8 Na modadao razo ba dadaoma wanguhuku,+Ihaogö wamareso ba wangohori fefu si lö sökhi.+
9 Haniha zi tola mangumaʼö, ”No uhaogö dödögu;+Lö hadöi saʼae horögu”?+
10 Faliʼera* si lö atulö ba fanuʼa si lö tefaudu*Ba no sogoro Yehowa.+
11 Tola aboto ba dödöda ndraono side-ide* moroi ba gamuatania,Hadia atulö gamuatania andrö ba ohau-hau.+
12 Yehowa zamazökhi tögi dalinga ba wamondrondrongo,Ba hörö ba wangiʼila.+
13 Böi förö-förö manö, aekhuʼö dania ba waʼanumana.+
Bokai höröu ba oya dania ösöndra göu.+
14 Imane sowöli, ”Lö baga daʼa, lö baga daʼa!”
Aefa daʼö, ilau mofanö ba ihöni-höni ia.+
15 So ganaʼa ba oya göi gara sebua böli,Hizaʼi, ebua sibai mböli mbewe sangombakha faʼatua-tua.+
16 Halö mbaru niha si möi ba wali ba niha böʼö;+Rabu gade si no ibeʼe khö ndra alawe niha baero.*+
17 Ami sibai roti nisöndra ba walimosa,Hizaʼi, lua-luania fahöna ba mbawania gereke.+
18 Aʼozu* niʼera-era na mufatunö ua samuza,*+Ba oʼö wanuturu lala si sökhi ba ginötö fasuwö.+
19 Ifangörö-ngörö ia samöbögö si lö duhu ba wangombakha si tebai larongo andrö khö nawönia;+Böi fariawö ndraʼugö ba niha si falela-lela manö.*
20 Haniha zangelifi amania hegöi inania,Ba si mate fandru ba dalu zogömi-gömi.+
21 Hewaʼae na itema ba wamobörö gondröitania niha samaʼuʼu,Ba gafuriata lö tobali howu-howu khönia gondröita daʼö.+
22 Böi ömane, ”Usulöni zi lö sökhi!”+
Döna-döna khö Yehowa+ ba yaʼia zanolo yaʼugö.+
23 Ogoro Yehowa waliʼera* si lö atulö,Ba lö sökhi wanuʼa si falimo andrö.
24 Yehowa zamatörö beka niha;+Hewisa wa tola aboto ba dödö niha lalania?*
25 Na talafo aösö zi samösa niha ba wangumaʼö, ”Niʼamoniʼö!”+ ba awena ihaogö woʼangeragö buʼusa linia ba gafuriata,Tobali tandrawa khönia daʼö.+
26 Razo satua-tua iheta niha si lö sökhi+Ba ifagiliʼö ira ba gaolo-gaolo wamöbörö.+
27 Hanu-hanu niha andrö famohaga* moroi khö Yehowa,Sohagaini tödönia si tobini.
28 Faʼomasi si lö faröi hegöi faʼaduhu* daʼö zolumöʼö razo;+Iʼaroʼö dadaomania faoma faʼomasi si lö faröi.+
29 Lakhömi nono matua waʼabölönia,+Ba lakhömi niha satua göi huwa si no afusi.+
30 Fangeheta* zi lö sökhi zokho awö laheto,+Ba tobali fangehaogö dödö niha mbözi-bözi.
Nisura ba gahe zura
^ Mazui te ”Sagötö mbaŵa wamasi, möi ia iʼalui hizaʼi lö isöndra hadia ia”.
^ Mazui ”gera-era dödö; zöndra dödö”.
^ Sin.: ”ndraononia matua”.
^ Mazui ”Kilo”.
^ Mazui ”Dombua ngawalö waliʼera ba dombua ngawalö wanuʼa”.
^ Mazui ”nono matua”.
^ Mazui ”niha si fatewu”.
^ Mazui ”Aro”.
^ Mazui ”na muʼandrö wanuturu lala ba niha böʼö”.
^ Mazui ”sangakali niha böʼö faoma bewenia”.
^ Mazui ”kilo”.
^ Mazui ”aboto ba dödö niha hezo ilau ia?”
^ Mazui ”fandru”.
^ Mazui ”faʼalöfaröi”.
^ Mazui ”Fangahakhösi”.