Amaedola 24:1-34
24 Böi afökhö dödöu ba niha si lö sökhi,Ba böi fariawö khöra,+
2 Börö me si lö sökhi manö niʼera-erara,Ba abula dödö nitunö-tunö mbewera.
3 Faʼatua-tua wangotomosi omo,*+Ba faʼaboto ba dödö wangaʼaroʼönia.
4 Faʼaboto ba dödö andrö zanolo yaʼia ba wamoʼösi bateʼeniaNgawalö gama-gama si sökhi ba sebua böli.+
5 Niha satua-tua daʼö zabölö,+Ba monönö waʼabölö zi samösa niha ibeʼe faʼaboto ba dödö.
6 Oʼö wanuturu lala si sökhi ba ginötö fasuwö,+Ba so waʼamöna* na ato zanuturu lala.+
7 Tebai isöndra waʼatua-tua sindruhu niha si bodo;+Lö hadöi si tola iwaʼö ba mbawa göli.
8 Haniha zi no mangera-ngera faʼalösökhiLafotöi ia samazökhi si lö sökhi.+
9 Tandrawa si bodo* yaʼia horö andrö,Ba fatuwu niha ba zangoʼaya.+
10 Na afatö dödöu ba ginötö waʼatosasa,*Ba ahori waʼabölöu.
11 Efaʼö niha niʼohe ba wamunu,Ba taha niha si lö döla-döla niʼohe ba nahia wanaba bagi.+
12 Na ömane, ”Lö manö aboto ba dödöma daʼa,”
Hadia öwalingagö lö iʼila daʼö samareso tödö?*+
Samaigi-maigi yaʼugö hasambalö iʼilaBa isulöni ba niha dozi amuatara zamösana.+
13 He onogu, a wewani börö me si sökhi daʼö;Ami sibai wewani moroi ba gawa-awa.
14 Yaʼaboto göi ba dödöu wa moguna khöu waʼatua-tua.+
Na ösöndra ia ba moharazaki dania ndraʼugö ba zi so miföna,Ba lö aetu wanötönamö.+
15 Böi tarogö niha satulö ba zinga nomonia;Böi dudugö nahania wolombase.
16 Hewaʼae mewitu alau zatulö tödö, ba ifuli maoso,+Hizaʼi, alabu dania niha si lö sökhi sagötö faʼara börö wamakao.+
17 Na alabu zi faʼudu khöu ba böi omuso dödöu,Na aekhu ia tou ba böi owua-wua dödöu;+
18 Faböi iʼila daʼö Yehowa ba lö omuso dödönia,Ba lö saʼae mofönu ia ba niha daʼö.*+
19 Böi abao* dödöu ba niha sebua horöBa böi afökhö dödöu ba niha si lö sökhi,
20 Börö me lö fanötöna zebua horö ba zi so miföna;+Ba labunu dania wandru niha si lö sökhi.+
21 He onogu, ataʼufi Yehowa hegöi razo.+
Böi fariawö ba niha samadaö,*+
22 Börö me si lö mudöna-döna dania wangohori yaʼira.+
Haniha zangila hewisa dania wanudugö nifalua zi darua andrö?*+
23 Moguna göi wehede daʼa ba niha satua-tua:
Lö sökhi na ebua dödö zambuana ba ginötö wangetuʼö huku.+
24 Sangumaʼö ba niha si lö sökhi, ”Niha satulö ndraʼugö,”+
Laʼelifi ia fefu soi ba lafetaʼu ia ngawalö mado ba gulidanö.
25 Hizaʼi ohahau dödö niha sameʼe khönia tegu-tegu;+Tobali howu-howu khöra fefu ngawalö zi sökhi.+
26 Niha si lö falimo ba wameʼe fanema li lafosumange* ia fefu niha.*+
27 Haogö era-era ngawalö halöwö nifaluamö, henaigö daʼö fefu ba nowi;Awena dania öfazökhi nomou.*
28 Böi aeʼe samaduhuʼö ba wolawa awöu ba zi lö dane-dane.+
Böi ogunaʼö mbeweu ba wolimo niha böʼö.+
29 Böi ömane, ”Simane nifaluania khögu ba simane daʼö göi ufalua khönia;Yaʼo dania zanulöni amuatania.”+
30 No utörö nowi niha sareu,+Simanö göi kabu nagu niha si lö tödö.
31 Uʼila wa no afönu oʼo;No ihawui duʼu sodoi,Ba no adudu fefu göli-kölinia.+
32 Ufaigi-faigi ba uhaogö woʼangeragö;Unehe-nehegö ba ufahaʼö ndraʼo:
33 Maʼifu tö wemörö, maʼifu tö wanuköu,Maʼifu tö wanalagui tödö ba molombase,
34 Iʼondrasi ndraʼugö faʼanumana simane sorabu,Ba tohare waʼatosasa simane niha solohe fangöna.+
Nisura ba gahe zura
^ Mazui ”ösi nomo”.
^ Mazui ”Ba mofozu; Ba so wangorifi”.
^ Mazui ”Tandrawa niha si bodo”.
^ Mazui ”waʼabasaki”.
^ Mazui ”ohitö dödö”.
^ Yaʼia daʼö ba nudu andrö.
^ Mazui ”aukhu”.
^ Mazui ”niha somasi faʼatebulö”.
^ Yaʼia daʼö Yehowa hegöi razo.
^ Sin.: ”laʼuma”.
^ Mazui te ”Niha si lö falimo ba wameʼe fanema li amaedola niha si faʼuma”.
^ Mazui ”öfasindro wongambatöu”.
