Amaedola 25:1-28
25 Daʼa göi gamaedola Zelomo+ nisali ndra enoni Hizikia+ razo Yehuda:
2 Tefolakhömi Lowalangi börö me ibiniʼö zalua,+Ba tefolakhömi razo börö me ihaogö wamareso salua.
3 Tebai mutahö dödö ndra razoSimane faʼalawa mbanua si yawa ba faʼabakha danö.
4 Heta daʼunö moroi ba wirö,Awena dania oroma zindruhu wirö si sökhi.+
5 Miheta niha si lö sökhi föna razo,Ba aro dadaomania dania ba zindruhu.+
6 Böi höni-höni ndraʼugö föna razo,+Ba böi odadao ba gotalua niha si tehöngö,+
7 Abölö sökhi na razo zangumaʼö khöu, ”Aine ba daʼa,”
Moroi na iʼailasi ndraʼugö föna duhenöri.+
8 Böi aösö ae mangadu,Hadia dania nifaluamö na iʼailasi ndraʼugö awöu?+
9 Miʼasiwai ua ba gotaluami andrö,+Ba böi fatunö misa zi tobini andrö khö nawöu,+
10 Faböi iʼailasi ndraʼugö niha samondrongoBa enaʼö lö ödunö-dunö huhuo si lö sökhi si tebai öʼozaragö mangawuli.
11 Simane apel anaʼa ba wiga firö,Simane daʼö wehede si tefaudu ba ginötönia.+
12 Simane ati-ati anaʼa hegöi gama-gama moroi ba ganaʼa si sökhi,Simane daʼö degu-tegu moroi ba niha satua-tua ba dalinga zamondrongo.+
13 Simane teu esi sokafu ba mbaŵa wamasi,Simane daʼö denge-tenge si lö faröi ba niha samatenge yaʼia,Börö me iʼokafui dödö zokhö yaʼia.+
14 Simane lawuo awö nangi si lö molohe teu,Simane daʼö niha sasiliyawa sanutunö buala si lö irai ibeʼe.+
15 Faʼebolo dödö wa tola alulu dödö gumandru,Ba tola afatö döla ibeʼe fehede si sökhi.*+
16 Na ösöndra wewani ba ndrohugö wemanga,Faböi öʼutaʼö dania na talafo abuso.+
17 Böi aseseʼö weʼamöi ba nomo nawöu,Faböi aföli ba fatuwu ia ndraʼugö.
18 Simane farökha hegöi föda awö nono wana satarö,Simane daʼö zamaduhuʼö sofaya khö nawönia.+
19 Simane ifö safatö mazui ahe sanizi,Simane daʼö waʼaro dödöda ba niha si tebai taʼodaligö* ba ginötö waʼatosasa.
20 Simane sangeheta baru ba mbaŵa waʼokafuBa simane cuka niduwagö ba soda*Simane daʼö zanunö ba niha sabu tödö.+
21 Na olofo zi faʼudu* khöu, beʼe gönia;Na owökhi dödönia, fabadugö khönia nidanö,+
22 Tola dania alulu dödönia öbeʼe,*+Ba Yehowa zanulöni khöu.
23 Angi moroi yöu zolohe teu,Ba lela samato-matou awönia zangandrö fönu.+
24 Abölö sökhi na toröi ita ba mbumbu nomoMoroi na orudu ita yomo ba ndra alawe si fasoso-soso manö.*+
25 Simane idanö kafu ba waʼerege dödöSimanö göi duria si sökhi moroi ba mbanua saröu.+
26 Niha satulö sangalulu ba* niha si lö sökhiAmaedola gumbu nidanö solotu ba baʼa si tekiko.
27 Lö sökhi na talafo oya muʼa wewani,+Ba tenga amuata si sökhi na omasi ita nizuno-zuno.+
28 Niha si tebai manaha tödönia
Hulö mbanua si no atuʼa sanuwö si lö baʼa-baʼa.+
Nisura ba gahe zura
^ Sin.: ”lela si lö fönu”.
^ Mazui te ”niha si manga mböli”.
^ Fazambua moroi ba zat kimia niʼogunaʼö ba wanasa hegöi ba wangehao.
^ Sin.: ”zi fatuwu”.
^ Sin.: ”öʼowuloi mbo galitö ba högönia”.
^ Mazui ”somasi mamaoʼe”.
^ Mazui ”si faʼawö ba”. Sin.: ”sangiwa föna”.
