Amaedola 27:1-27
27 Böi höni-höni ngaluo mahemolu,Börö me lö öʼila hadia zalua* ero maʼökhö.+
2 Sökhi na niha böʼö zanuno yaʼugö moroi na bawau samösa;Sökhi na niha böʼö* zamalua daʼö, tenga beweu samösa.+
3 Abua sibai gara hegöi gawu,Hizaʼi, abölö abua moroi ba daʼö na abao dödöda ba niha si bodo.+
4 Amuʼi wönu andrö, ba faʼabao dödö hulö molö,Hizaʼi haniha zi tola manaha faʼolohu?+
5 Sökhi wanegu si lö mubiniʼö moroi ba waʼomasi si lö muforomaʼö.+
6 Tandra waʼalöfaröi na iʼamenesi ita si fahuwu khöda hewaʼae afökhö,+Ba fahöna* waʼasökhi dödö* zi faʼudu.
7 Si no abuso ba ihundra-hundra wewani moroi ba gawa-awa,Hizaʼi ba niha solofo, ami khönia gö safeto.
8 Niha soloi moroi ba nomoniaHulö wofo si hombo ba zaröu moroi ba gazuninia.
9 Tobali fangomuso dödö wanikha awö zumange somuhua;Simane daʼö göi wahuwusa si sökhi börö mene-mene soroi ba dödö.+
10 Böi röi zi fahuwu khöu mazui si fahuwu khö namau,Ba böi aeʼe ba nomo dalifusöu na göna ndraʼugö famakao;Abölö sökhi zi falazi omo moroi ba dalifusö saröu.+
11 He onogu, yaʼatua-tua ndraʼugö ba omusoiʼö dödögu,+Enaʼö uʼila ubuʼa na so zanandrawaisi* yaʼo.+
12 Niha satua-tua ibiniʼö ia na so deʼala,+Hizaʼi niha si lö faʼaboto ba dödö itörö manö ba iluʼi lua-luania.*
13 Halö mbaru niha si möi ba wali ba niha böʼö;Rabu gade si no ibeʼe khö ndra alawe niha baero.*+
14 Na so zangebuaʼö linia ba wamahowuʼö awönia sihulö wongi sibai,Labaliʼö fangelifi khönia daʼö.
15 Foʼomo ira alawe si fasoso-soso manö* hulö zagö satöla nitörö dawa deu sowöi-wöi manö na moteu.+
16 Si tola manaha yaʼia ba tola göi itaha nangiBa tola igokhöi wanikha faoma tangania kambölö.
17 Simane siʼöli iʼataröʼö nawönia siʼöli,Simane daʼö göi niha iʼataröʼö* nawönia niha.+
18 Sangehao töla geu ara ba yaʼia dania zi manga bua,+Ba tefosumange dania zondrorogö sokhö yaʼia.+
19 Simane idanö sangoromaʼö khala-khala mbawa,Tödö zi samösa niha zangoromaʼö khala-khala dödö niha böʼö.
20 Lö irai abuso Lewatö hegöi naha waʼatekiko;*+Simane daʼö göi hörö niha, lö irai abuso.
21 Simane firö nitunu ba mbalanga, simanö göi ganaʼa ba galitö,+Tetandraigö niha ba wanuno nibeʼe khönia.
22 He na ötutu ba lösu niha si bodoSimane fanutu bua gandru,Ba lö tebulö waʼabodonia.
23 Haogö wanöngöni sikhala rorogöföu.
Haogö wondrorogö* biri-birimö.+
24 Lö anau gölö harato,+Ba tenga sagötö faʼara wamake takula.
25 Aleu ndruʼu ba tumbu zi bohou,Ba teʼowuloi zinanö ba hili.
26 Muʼogunaʼö mbu mbiri-biri si matua sawuyu-wuyu tobali barumö,Ba nambi si matua tobali böli nowi.
27 Obönö dania balazomö susu nambiBa wombönökhi soguna ba nösi nomou hegöi sawuyumö ira alawe.
Nisura ba gahe zura
^ Sin.: ”niʼadonogönia”.
^ Sin.: ”niha baero”.
^ Mazui te ”tenga soroi ba dödö; nifaso”.
^ Sin.: ”waʼumasa”.
^ Mazui ”zangobousi”.
^ Mazui ”itema hukumania”.
^ Mazui ”niha si fatewu”.
^ Mazui ”somasi mamaoʼe”.
^ Sin.: ”iʼataröʼö mbawa”.
^ Mazui ”Syeol hegöi Abado”.
^ Mazui ”Osambuaʼö dödöu; Ameʼegö tödö”.
