Amaedola 3:1-35
3 He onogu, böi olifuʼögö wamahaʼögu,*Ba oʼö goroisagu soroi ba dödö,
2 Enaʼö anau nosouBa ösöndra waʼohahau dödö ba waʼaurimö.+
3 Böi tehegö taya khöu waʼomasi si lö faröi ba faʼaduhu.*+
Baliʼö ia aya ba mbagimö;Sura daʼö ba mbörö dödömö;+
4 Laʼomasiʼö dania ndraʼugö ba laʼila wa yaʼugö andrö niha si so faʼaboto ba dödöBa wamaigi Lowalangi hegöi ba wamaigi niha.+
5 Döna-döna khö Yehowa+ moroi siʼaikö ba dödöu,Ba böi odaligö* waʼatua-tuamö samösa.+
6 Ameʼegö tödö ia misa ba lala döröwau,+Ba yaʼia zangadölöʼö lala nitörömö.+
7 Böi waʼö tödöu atua-tua ndraʼugö.+
Ataʼufi Yehowa ba aröuʼö ndraʼugö ba zi lö sökhi.
8 Daʼö zi tobali dalu-dalu samadöhö botomö*Ba sangokafui tölamö.
9 Fosumange Yehowa faoma gama-gamau sebua böli,+Hegöi bua nowimö* fondrege zi sökhi;*+
10 Ba sindruhu-ndruhu afönu dania khöu naha wangiröʼö,+Ba falawu nagu si bohou ba naha wamera agu khöu.
11 He onogu, böi timbagö wotu andrö moroi khö Yehowa,+Ba böi fatuwu khöu degu-tegu moroi khönia,+
12 Iʼotuʼö niha niʼomasiʼönia Yehowa,+Simane ama sangotuʼö ono niʼomasiʼönia.+
13 Yaʼahowu niha sanöndra faʼatua-tua,+Simanö göi niha sanöndra faʼaboto ba dödö;
14 Abölö sökhi daʼö moroi ba wanöndra firö,Ba abölö sökhi ia moroi ba wangokhögö anaʼa.+
15 Abölö ebua mbölinia moroi ba gara sebua böli ba nasi;Lö si fagölö khönia moroi ba zomasi dödöu fefu.
16 Ba dangania kambölö so waʼanau noso;Ba dangania kabera so waʼakayo hegöi faʼamolakhömi.
17 Lalania andrö no lala omasiö,Ba fefu daʼö afönu faʼohahau dödö.+
18 Hulö geu fangorifi ia ba niha sangolembai yaʼia,Ba ohahau dödö niha sangaʼaroʼö ba wangolembai yaʼia.+
19 Ilata danö Yehowa ba waʼatua-tuania.+
Ba era-era dödö khönia wamazökhi banua si yawa.+
20 Faʼaboto ba dödö khönia wa tola fabali nidanö sabakhaBa itorugö namo talu mbanua safönu lawuo.+
21 He onogu, böi olifuʼögö daʼö fefu.*
Rorogö waʼatua-tua ba fangera-ngera si sökhi;
22 Daʼö fefu zi möi fangorifimöBa tobali gama-gama si sökhi ba mbagimö;
23 Ötörö dania lalamö ba lö sametaʼu yaʼugö,Ba lö irai manendre gaheu.+
24 Lö dania khöu faʼataʼu na öleagö ndraʼugö;+Öfadölö ndraʼugö ba ohahau dödöu wemörö.+
25 Lö dania ataʼu ndraʼugö ba ngawalö gametaʼuö si lö mudöna-döna,+Mazui bade samözi niha si lö sökhi.+
26 Börö me Yehowa zameʼe khöu faʼahono dödö;+Lö iböhöli wondrorogö yaʼugö enaʼö lö tofesu gaheu.+
27 Böi abua gölöu wanolo niha si numana*+Na tola öfalua.*+
28 Böi waʼö khö nawöu, ”Angawuli ua, dania fuliʼö! Mahemolu ubeʼe khöu,”
Sindruhunia, tola öbeʼe khönia ba ginötö daʼö.
29 Böi era-era wamalua si lö sökhi ba zi faola omo khöu+Börö me no ifaduhusi tödö ndraʼugö.
30 Böi fakaraisi niha ba zi lö börö+Na lö irai ifalua khöu zi lö sökhi.+
31 Böi afökhö dödöu ba niha safaito+Ba böi tara lahenia,
32 Börö me ogoro Yehowa niha samalua faʼonekhe,+Hizaʼi, fahuwu sibai ia ba niha sadölö tödö.+
33 Iʼelifi nösi nomo niha si lö sökhi Yehowa,+Ba ifahowuʼö nösi nomo niha satulö tödö.+
34 Iʼoʼaya niha sangoʼaya,+Ba omuso dödönia ba niha si so fangide-ngideʼö.+
35 Tefosumange niha satua-tua,Hizaʼi niha si bodo ihöni waʼailania.+
Nisura ba gahe zura
^ Mazui ”goroisagu”.
^ Mazui ”faʼalöfaröi”.
^ Sin.: ”böi tendroʼö ndraʼugö ba”.
^ Sin.: ”fusömö”.
^ Mazui ”siaʼa”.
^ Mazui ”sinöndramö”.
^ Te eluahania amuata Lowalangi nitutunö moroi yawa.
^ Mazui ”niha sinangea mutolo”.
^ Mazui ”Na so khöu waʼabölö”.