Amaedola 31:1-31
31 Fehede Razo Lemueli, oroisa sabölö moguna moroi khö ninania ba wamahaʼö yaʼia:+
2 He yaʼugö ono si tumbu moroi ba dalugu,Hadia zinangea uwaʼö khöu yaʼugö onogu,He yaʼugö ono moroi ba mbuʼusa ligu, hadia zinangea uwaʼö?+
3 Böi horigö waʼabölöu ba ndra alawe,+Ba böi törö lala samakiko razo-razo.+
4 He yaʼugö Lemueli, tenga sinangea khö ndra razo,Tenga sinangea khö ndra razo ba wamadu aguMazui khö ndra sondröniaʼö ba wangumaʼö, ”Hezo gögu tuo?”+
5 Enaʼö lö labadu ba olifu ira zi no muhonogöiBa laʼositengagö hadia zinangea latema ira niha si numana.
6 Beʼe duo ba niha sedöna muhori+Simanö göi nagu ba niha si göna abula dödö.+
7 Enaʼö labadu ba laʼolifugö waʼanumanara;Enaʼö lö itörö tödöra gabula dödöra.
8 Fahuhuo salahi niha si tebai mamuʼa ba hulunia;Oʼawögö hadia zinangea itema niha si lö ara tö mate.+
9 Fahuhuo ba etuʼö huku si fao faʼatulö;Oʼawögö hadia zinangea latema ira* niha sambö faʼabölö hegöi niha si numana.+
א [Alef]
10 Haniha zanöndra foʼomo ira alawe si sökhi?+
Abölö ebua mbölinia moroi ba gara sebua böli.
ב [Bet]
11 Ifaduhusi tödö ia foʼomonia ira matua soroi ba dödöBa lö moʼamböta woʼomonia andrö.
ג [Gimel]
12 Sandrohu faʼaurinia,Ifalua zi sökhi khö woʼomonia ira matua, tenga si lö sökhi.
ד [Dalet]
13 Iʼowuloi nukha moroi ba mbu mbiri-biri awö nukha si sökhi;Owölö-ölö dangania wohalöwö.+
ה [He]
14 Hulö göfa ia solohe niha sogale,+Iʼohe gö moroi ba zaröu.
ו [Waw]
15 Me ogömi-gömi nasa ba no maoso ia,Ba wondrino gö ba nösi nomoniaBa ibeʼe dana khö ndra sawuyunia ira alawe.+
ז [Zayin]
16 Ihaogö iʼangeragö na iʼöli nowi;Ifazökhi kabu nagu moroi ba waʼerege dödönia.*
ח [Khet]
17 No ifaʼanö ia wamorege fohalöwö,*+Ba iʼabeʼeʼö mbölökhania.
ט [Tet]
18 Iʼila wa mohare ia ba wangaluinia;Lö irai mate wandrunia ba zi bongi.
י [Yod]
19 Igogohe tangania geu famagaölö,Ba igogohe turunia wanoso.*+
כ [Kaf]
20 Iʼoroʼö dangania ba niha sambö faʼabölö,Ba ibokai dangania ba niha si numana.+
ל [Lamed]
21 Na aekhu deu esi, ba lö abu dödönia nösi nomoniaBörö me dozi ösi nomonia lafake mbaru saweʼe-weʼe.*
מ [Mem]
22 Ifazökhi samösa lembe balu-balu gaso.
Ifazökhi mbarunia moroi ba nukha si sökhi hegöi bu mbiri-biri.
נ [Nun]
23 Tehöngö woʼomonia ira matua ba mbawa göli,+Ba daʼö modadao woʼomonia ba zinga ndra sondröniaʼö banua* andrö.
ס [Samekh]
24 Ifazökhi mbaru* si sökhi, aefa daʼö ifamawa,Ifamawa* göi mböbö löwi khö ndra sogale.
ע [Ayin]
25 Hulö mbarunia waʼabölö hegöi faʼamolakhömi,Ba aro dödönia ba zi so miföna.*
פ [Pe]
26 Atua-tua ia ba wahuhuosa;+Huku faʼasökhi dödö* zi so ba lelania.
צ [Tsade]
27 Ifaigi-faigi halöwö ba nomonia,Ba maʼifu lö khönia faʼareu.+
ק [Qof]
28 Mozizio ndraononia ba lafahowu-howuʼö ia;Mozizio woʼomonia ira matua ba wanuno yaʼia.
ר [Res]
29 Ato sibai ndra alawe sangokhögö faʼatua-tua,*Hizaʼi töra nasa ndraʼugö moroi khöra.
ש [Syin]
30 Si lö boto waʼasökhi ngaʼeu ba faya waʼasökhi mbawa,+Hizaʼi ira alawe sangataʼufi Yehowa daʼö nisuno.+
ת [Taw]
31 Beʼe luonia ba zi no ifalua,+Ba akha tobali börö wanuno khönia gamuatania andrö ba mbawa göli mbanua.+
Nisura ba gahe zura
^ Mazui ”Oʼawögö gamadöniwa”.
^ Mazui ”zinöndrania”.
^ Sin.: ”Iböbö löwi-löwinia faoma faʼabölö”.
^ Eu famagaölö hegöi fanoso muʼogunaʼö ba wamazökhi bana.
^ Sin.: ”mbaru nifalaete”.
^ Mazui ”satua mbanua”.
^ Mazui ”nukha si gide-ide”.
^ Mazui ”Iʼasogö”.
^ Mazui ”Iʼigiʼö ngaluo mahemolu”.
^ Mazui ”Fanuturu lala safönu faʼomasi; Oroisa faʼomasi si lö faröi”.
^ Mazui ”sahöli-höli dödö”.
