Amaedola 5:1-23
5 He onogu, fondrondrongo wehedegu satua-tua andre.
Haogö wamondrondrongo faʼatua-tua* nifahaʼögu,+
2 Enaʼö terorogö wangera-ngeramöBa fahuhuo ndraʼugö si fao faʼatua-tua.+
3 Simane wöi-wöi wewani wehede* ndra alawe si lö sökhi,*+Ba alösö mbewenia moroi ba wanikha.+
4 Ba gafuriata, afeto ia moroi ba zinanö safeto+Ba atarö ia simane gari si faoma bawa.+
5 Ahenia numalö ba waʼamate.
Isawa Lewatö.*
6 Lö iʼangeragö lala waʼaurinia.
Lö tatu döröwa ba lö iʼila hezo numalö ia.
7 Börö daʼö yaʼami iraonogu, mifondrondrongo niwaʼögu,Böi miʼositengagö wehedegu.
8 Aröuʼö ndraʼugö khönia;Böi hatöʼö ndraʼugö ba mbawandruhö nomonia,+
9 Enaʼö lö teʼobousi döimö si sökhi ba niha böʼö+Ba lö tefakao dania waʼaurimö ba zi so miföna;+
10 Faböi lahori gokhötau* niha böʼö+Ba enaʼö lö möi ba nomo niha si fatewu zerege dödöu.
11 Na lö öʼoʼö daʼö, mangarö-ngarö dania ndraʼugö ba waʼafökhöNa no ahori waʼabölömö ba arakhagö mate ndraʼugö+
12 Ba ömane, ”Fatuwu ndraʼo wotu* mböröta!
Lö ibeʼe dödögu wamangelama!
13 Lö ufondrondrongo wehede zamahaʼö yaʼoBa lö uʼameʼegö tödö zanuturu lala khögu.
14 Maʼifu tö tekiko ndraʼoBa gotalua nono mbanua Lowalangi.”+
15 Badu nidanö tana khöu samösaBa idanö sodöwa-döwa moroi ba mbaʼa khöu.+
16 Hadia baero mangumbu nidanö andrö khöuBa falawu geleania ba newali?+
17 Ha khöu daʼö fefu,Tenga ba niha baero si fao khöu.+
18 Yatefahowuʼö gumbu nidanö andrö khöu,Yaʼomuso dödöu khö woʼomou ira alawe nihalöu me awuyu-wuyu ndraʼugö.+
19 Hulö mböhö si alawe ia si baga-baga, nambi hili sadöni dödö.+
Yamabu ndraʼugö ba zusunia.
Yaʼiʼoloiʼö ndraʼugö faʼomasinia si lö tebulö.+
20 Na simanö, hana wa owöhöʼö ba ndra alawe si lö sökhi,* yaʼugö onogu,Mazui ötalagui dötöʼa ndra alawe sohorö-horö?*+
21 Anehe Yehowa fefu lala niha;Yaʼia zamareso fefu lala niha.+
22 Alösu niha si lö sökhi ba zalania samösa,Ba tofesu ia ba zinali horönia.+
23 Mate ia börö me ambö famahaʼö*Ba elungu ia börö waʼabodo si lö harumani.
Nisura ba gahe zura
^ Mazui ”Beʼe mbörö dalingau ba waʼatua-tua”.
^ Sin.: ”mbewe”.
^ Mazui ”Syeol”. Faigi Geluaha Ngawua Wehede.
^ Mazui ”waʼabölöu”.
^ Mazui ”mene-mene”.
^ Mazui ”fotu”.
