Amaedola 6:1-35
6 He onogu, na no möiʼö ba wali khö nawöu,+Na no fawuʼu li* ndraʼugö ba niha baero,+
2 Na no tofesu ndraʼugö ba mbuʼusa limö,Teböbö ndraʼugö ba wehedemö samösa,+
3 Falua daʼa onogu, ba efaʼö ndraʼugö,Börö me no aekhu ndraʼugö ba danga nawömö:
Aeʼe ba ide-ideʼö ndraʼugö fönania ba andrö waʼahakhö dödönia.+
4 Böi förö,Ba abeʼeʼö guli höröu faböi manuköuʼö.
5 Efaʼö ndraʼugö simane nago ba danga zi malu,Simane fofo ba danga zondraʼu fofo.
6 He yaʼugö sareu, ae faigi zikhö;+Nehegö lala waʼaurinia ba yaʼösöndra waʼatua-tua.
7 Hewaʼae lö hadöi kumandrura, salawa mazui sondröniaʼö,
8 Lahenaigö göra ba mbaŵa lökhö,+Ba laʼowuloi mbalazora ba ginötö wamasi.
9 He yaʼugö sareu, hawaʼara manö öböhöli wemörö?
Hawaʼara maoso ndraʼugö?
10 Maʼifu tö wemörö, maʼifu tö wanuköu,Maʼifu tö wanalagui tödö ba molombase,+
11 Iʼondrasi ndraʼugö faʼanumana simane sorabu,Ba tohare waʼatosasa simane niha solohe fangöna.+
12 Ifangörö-ngörö manö ia niha si lö sökhi ba si lö guna, lö iböhöli walimosa;+
13 Ifamöʼi hörönia,+ ibeʼe dandra faoma ahenia, ba ituturu faoma turunia.
14 Börö waʼatefuyu dödönia,Lö iböhöli wamazökhi tandrawa+ ba iʼasogö waʼudusa.+
15 Daʼö mbörö wa göna ia famakao ba zi lö mudöna-döna;Ba tehori ia ba zi lö arara irege tebai saʼae nifadöhö.+
16 So önö ngawalö zi fatuwu khö Yehowa;Fitu ngawalö niʼogorofinia:
17 Hörö sasiliyawa,+ lela si falimo,+ ba tanga samunu* niha si lö horö,+
18 Tödö samakhai si lö sökhi,+ ba ahe si fagohi ba wamalua si lö sökhi,
19 Samaduhuʼö sofaya si lö mamöhöli falimosa,+Ba dozi niha sangaʼasogö faʼudusa ba gotalua zi fatalifusö.+
20 He onogu, oʼö niwaʼö namau,Ba böi ositengagö wamahaʼö* ninau.+
21 Tanögö fefu daʼö ba dödömö;Baliʼö aya ia ba mbagimö.
22 Daʼö zanuturu lala khöu na mofanö ndraʼugö;Sondrorogö yaʼugö na möröʼö;Ba samahaʼö yaʼugö* na maosoʼö.
23 Oroisamö andrö no amaedola wandru,+Huku andrö khöu amaedola haga,+Ba fotu andrö si möi famahaʼö, daʼö lala saekhu ba waʼauri.+
24 Daʼö fefu zondrorogö yaʼugö moroi khö ndra alawe si lö sökhi,+Moroi ba waʼalösö mbewe ndra alawe sohorö-horö.*+
25 Böi isö tödöu waʼabaga-bagania+Ba böi tedönisi ndraʼugö ba hörönia sadöni dödö.
26 Ira alawe sohorö-horö, ifaʼanumana ndra matua irege ahori gokhötania,+Ba möi famununia na ihoröni ndronga zodonga.
27 Hadia tola ibeʼe mbo galitö ba dötöʼania si samösa niha ba lö akhozi mbarunia?+
28 Mazui hadia tola mowaö-waö zi samösa niha ba dete mbo galitö ba lö akhozi gahenia?
29 Simanö göi niha sorudu khö woʼomo nawönia;Hasambalö nihuku zombambaya ira alawe daʼö.+
30 Ebolo dödö niha ba zanagöNa managö ia börö waʼolofonia enaʼö abuso ia.
31 Hizaʼi na laʼila ia, hasambalö ibuʼa wogati fitu winaeta;Ibeʼe fefu gama-gama sebua böli si so ba nomonia.+
32 Gofu haniha zohoröni si samösa ira alawe, lafotöi ia niha si lö tödö;Niha samalua daʼö ifakiko waʼaurinia samösa.+
33 Faʼaila ba faʼafökhö, daʼö zalua khönia,+Ba tebai saʼae iʼezosi ia ba waʼailania.+
34 Börö waʼolohu wa mofönu zi samösa foʼomo ira matua;Ba lö khönia faʼahakhö dödö na isulöni wolau balö.+
35 Lö itema gofu hadia wogati nibeʼe khönia;Lö ombuyu dödönia hewaʼae na lahöna khönia mbuala.
Nisura ba gahe zura
^ Sin.: ”faraʼu tanga”.
^ Mazui ”sanuwagö do”.
^ Mazui ”goroisa”.
^ Mazui ”Ba si fahuhuo khöu”.
