Amaedola 9:1-18
9 Ifazökhi nomonia faʼatua-tua sindruhu;No itögi fefu gehomonia si fitu rozi.
2 No ihenaigö ifaʼanö nagole;*No ifaruka nagu;Ba no iföföʼö meza.
3 No ifatenge ndra alawe sohalöwö khöniaBa weʼao moroi ba nahia salawa ba mbanua sebua,+
4 ”Haniha zi lö faʼatua-tua, miʼaine ba daʼa.”
Imane ba niha si lö tödö,
5 ”Aine, dataʼa roti daʼa khögu,Ba tabadu nagu si no ufaruka.
6 Röi waʼabodomö* enaʼö auri ndraʼugö;+Törö lala sadölö saekhu ba waʼatua-tua.”+
7 Niha sameʼe mene-mene ba zangoʼaya eluahania mangandrö fangoʼaya,+Ba teʼailasi dania niha sanegu niha si lö sökhi.
8 Böi tegu zangoʼaya börö me fatuwu ia khöu dania.+
Beʼe degu-tegu ba niha satua-tua ba iʼomasiʼö ndraʼugö.+
9 Fahaʼö niha satua-tua ba monönö waʼatua-tuania.+
Fahaʼö niha satulö ba monönö dania waʼaboto ba dödönia.
10 Böröta waʼatua-tua, fangataʼufi Yehowa,+Ba faʼaboto ba dödö sanandrösa khö Wondrege Niʼamoniʼö+ daʼö wangiʼila.
11 Anau nosomö börö ndraʼo,+Ba monönö dania ndröfimö.
12 Na atua-tua ndraʼugö, ba yaʼugö samösa zanöndra hare,Hizaʼi na omasiʼö mangoʼaya, ba yaʼugö samösa zi teʼala.
13 Oya mbewe ndra alawe si bodo.+
Lö khönia faʼaboto ba dödö ba lö iʼila hadia ia.
14 Modadao ia ba mbawandruhö nomonia,Ba nahia sagalawa ba mbanua sebua,+
15 Ba wogaoni niha sanörö,Sondrölö yaʼira ba lalara,
16 ”Haniha zi lö faʼatua-tua, miʼaine ba daʼa.”
Imane ba niha si lö tödö,+
17 ”Ami sibai nidanö nitagö,Ba ami göi gö niʼa ba zi tobini.”+
18 Hizaʼi, lö laʼila wa afönu nomonia niha si mate,Ba Lewatö*+ sabakha so domenia sato.
Nisura ba gahe zura
^ Mazui ”No itatawi gurifönia”.
^ Mazui ”niha sambö faʼaboto ba dödö”.
^ Mazui ”Syeol”. Faigi Geluaha Ngawua Wehede.
